Худалдааны эргэлтийг ирэх таван жилд 30 тэрбум ам.долларт хүргэнэ 

Монгол Улсын Ерөнхийлөгч У.Хүрэлсүх Киргиз улсад болж буй Шанхайн хам­­тын ажиллагааны байгууллага (ШХАБ)-ын гишүүн орнуудын Төрийн тэргүүн нарын өргөтгөсөн хурал­­даанд оролцож байна. Тэрбээр эхний өдрөө Бүгд Найрамдах Киргиз Улсын Ерөнхийлөгч Садыр Жапаров­­тай уулзаж, улс төр, худалдаа, эдийн засаг гээд бүхий л салбарын харил­цаа, хам­тын ажиллагаа болон ха­рилцан сонирх­сон бусад асуудлаар санал солилцлоо. 

Уулзалтын үеэр худалдааны эргэл­тийг Евразийн бүс нутгийн хэмжээнд 100 сая ам.долларт хүргэх, аж үйлдвэр, хайгуул, тээвэр, ложистик, шууд нислэг, соёл, хүмүүнлэг зэрэг бүхий л салбарын харилцаа, хамтын ажиллагааг өргөжүүлэн хөгжүүлэх талаар ярилцсан байна. Хоёр улсын худалдааны эргэлт 2023 онд 2.6 сая ам.доллар байсан бол 2025 онд 19 сая ам.долларт хүрчээ. Киргизийн Ерөнхийлөгч С.Жапаров 2023 онд Монголд, манай Ерөнхийлөгч У.Хү­рэлсүх 2025 онд тус улсад төрийн ха­риу айлч­­лал хийж, уламжлалт най­р­­­саг харилцааг шат ахиулан, “Иж бү­­рэн түнш­лэл”-ийн харилцаа тог­тоо­­сон юм.

Мөн энэ өдөр Ерөнхийлөгч У.Хүрэлсүх БНХАУ-ын дарга Ши Жиньпин­тэй уулзав. Төрийн тэргүүн нар “Иж бүрэн стратегийн түншлэл”ийн харилцаа бүхий л салбарт өр­гөжин хөгжиж, улс төрийн харилцан ойл­голцол, итгэлцэл улам бэхжиж бай­гаад сэтгэл хангалуун буйгаа илэр­­хийлсэн байна. Энэ үеэр талууд худалдааны эргэлтийг ирэх та­­­ван жилд 30 тэрбум ам.долларт хүр­­­гэ­хээр тохиролцжээ. Цаашид харил­цаа, хамтын ажиллагааг эдийн засгийн урт хугацааны тогтвортой хөгжил, төлөвлөлттэй уялдуулж, аж үйлдвэр, дэд бүтэц, ногоон хөгжил, эр­дэс баялаг, сэргээгдэх эрчим хүчний салбарт гүнзгийрүүлэн хөг­жүүлэх нь зүйтэй гэдэгт санал нэгд­сэн бай­на.