“Буцах боломжгүй” цэгт хүрэхэд ойрхон байна
Дэлхийг аврахад хүн бүхний оролцоо, жижиг, том гэлтгүй бүх асуудал хамаатай. Өгүүлбэрийн утга зүй, зөв бичих дүрэмд цэг, таслал ямар чухал билээ. Үүнтэй адил цэг, таслал шиг жижиг хог хаягдал ч дэлхийн дулаарал, цаг уурын өөрчлөлт, агаарын бохирдолд том нэрмээс болдгийг мэргэжилтнүүд онцолсоор ирэв. Энэ мэт сануулга, анхааруулга, уриалгыг нь Засгийн газрууд шийдвэр, бодлогодоо тусгаж байна.
2026-02-27
Бразилд үерийн улмаас 36 хүн амиа алдав
Бразилын зүүн өмнөд нутгийн Минас Жерайс мужид их хэмжээний аадар бороо орсны улмаас үер бууж, 36 хүн амиа алдаж, 33 иргэн сураггүй болжээ. Тус мужийн онцгой байдлын газраас мэдээлснээр хоорондоо 110 орчим км-ийн зайтай орших Жуис-ди-Фора болон Уба хотынхон эл гамшигт хамгийн ихээр өртсөн аж.
2026-02-27
“Оюутан цэрэг”-т ирэх сарын 1-10 хүртэл бүртгэнэ
2026 оны “Оюутан цэрэг” хөтөлбөрийн бүртгэл гуравдугаар сарын 1-нд эхэлж, 10-ныг хүртэл үргэлжлэх нь. Цэргийн мэргэжил олгох энэхүү сургалтад хамрагдах оюутан, суралцагчийг энэ жилээс цахим үйлчилгээний нэгдсэн систем “И-Монголиа”-гаар давхар бүртгэх юм. Хөтөлбөрт өмнө нь зөвхөн I дамжааны оюутнуудыг хамруулдаг байсан бол өнгөрсөн жилээс Батлан хамгаалах яамны шинэчилсэн журмын дагуу II, III курсийнхнийг элсэх боломжтой болгосон билээ.
2026-02-27
Хог ангилж, боловсруулдаг үйлдвэрүүдийг бодлогоор дэмжихийг хүслээ
Хог хаягдлын тухай хуулийн хэрэгжилтийг хянан шалгах, холбогдох шийдвэрийн төсөл боловсруулах үүрэг бүхий ажлын хэсгийн ахлагч Б.Мөнхсоёл болон гишүүн С.Замира нар Налайх дүүрэгт ажиллаж, хэд хэдэн компанийн үйл ажиллагаатай танилцжээ. 2017 онд баталсан уг хуулийн хэрэгжилт муу гэж ажлын хэсгийнхэн үзэж, сайжруулах төсөл боловсруулах гэж буй юм.
2026-02-27
АН иргэдийн мэдээллийг хуулийн дагуу ашигласан гэв
Ардчилсан намаас өчигдөр мэдээлэл хийж, цаг үеийн асуудлаар тайлбар өгөв. Аn.mn сайтад тус намын гишүүн биш иргэн регистрийн дугаараа хийхэд хувийн мэдээлэл нь гарч ирж буй тухай уржигдар нийгмийн сүлжээгээр шуугьсан юм.
2026-02-27
10 жилийн хугацаанд 44 хүүхэд хурдан мориноос унаж амиа алджээ
Засгийн газрын 41 дүгээр тогтоолоор хүүхдийн эрхийн зөрчлөөс урьдчилан сэргийлэх, хүүхдийн хөдөлмөрийн тэвчишгүй хэлбэрийг таслан зогсоох арга хэмжээг үр дүнтэй зохион байгуулж, өвөл, хаврын улиралд зохион байгуулах хурдан морины уралдаан, сунгаа, үсэргээнд 18 хүртэлх насны хүүхдийг аливаа хэлбэрээр оролцуулахгүй байхаар шийдвэрлэсэн. Тэгвэл Цагаан сарын баярын өмнөхөн зарим аймаг, сумд хурдан морины уралдаанд хүүхэд оролцуулж, эрхийг нь зөрчсөн талаар ХЭҮК-оос өчигдөр мэдээлэв.
2026-02-27
“Ногоон автобус”-ны гэх хэргийг Дээд шүүх хэлэлцэхээ хойшлуулав
Улсын дээд шүүхийн Эрүүгийн хэргийн танхимын өчигдрийн шүүх хурлаар “Ногоон автобус”-ны гэх хэрэгт холбогдон ял шийтгүүлсэн хүмүүс, тэдний өмгөөлөгч нарын гаргасан гомдлыг хэлэлцэх, эсэхийг шийдвэрлэхээр товлосон байв. Гэвч илтгэгч шүүгч нь шүүгдэгчид, тэдний өмгөөлөгч нарын гаргасан олон гомдлыг нэг бүрчлэн танилцуулах учраас нэмэлт судалгаа хийх зайлшгүй шаардлагатай гэж үзэн хэлэлцэх хугацааг хойшлууллаа.
2026-02-27
Н.Тавинбэхийг эрүүл мэндийн шалтгааны улмаас батлан даалтад гаргажээ
“ДЦС-4” ХК-ийн гүйцэтгэх захирал Н.Тавинбэхийг АТГ-ын Мөрдөн шалгах хэлтсийнхэн өнгөрсөн сарын дундаас шалгаж эхлэн, улмаар яллагдагчаар тооцон 30 хоногийн хугацаанд цагдан хорьсон билээ. Түүнийг цагдан хорьсон хугацаа дуусаж буйтай холбоотойгоор прокурор нь таслан сэргийлэх арга хэмжээг сунгуулах саналыг Дүүргийн эрүү, иргэний хэргийн хялбар ажиллагааны анхан шатны тойргийн шүүхэд хүргүүлсэн аж. Шүүгч уг саналыг нь хэлэлцээд прокурорын саналыг хүлээн авч, дахин 30 хоног цагдан хорихоор шийдвэрлэжээ.
2026-02-27
“Хотула”-гийн эрхшээлд хотлоороо
Төрийн үйлчилгээний цахим шилжилт бодлогын хүрээнд нийслэлийн Засаг даргын Тамгын газраас хэрэгжүүлж буй нэг ажил нь “Хотула” хэмээх аппликэйшнийг бүтээж, ард иргэдэд тулган шахсан явдал юм. Ирэх сарын 1-нээс эхлээд нийслэлийн гэр хорооллынхон галлагааны түлшээ авахын тулд ухаалаг утастай болох, түүндээ “Хотула” гэдэг аппликэйшнийг заавал татаж суулгасан байх ёстойг сонордуулъя.
2026-02-27
