Хөдөлмөр зуучийн иж бүрэн үйлчилгээ үзүүлэгч “Job center” төв дөрвөөр нэмэгдэв
Манай улс гадаадын жишигт нийцсэн хөдөлмөрийн бирж байгуулж, нийгмийн үйлчилгээний үндэсний платформыг нэвтрүүлэх замаар хөдөлмөр эрхлэлтийг нэмэгдүүлэх зорилт дэвшүүлсэн. Үүний хүрээнд өнгөрсөн онд Улаанбаатар хотод ажлын байр, хөдөлмөр зуучийн иж бүрэн үйлчилгээ үзүүлэгч “Job center” нэртэй дөрвөн төв нээж, ашиглалтад оруулсан билээ. Тэгвэл он гарснаас хойш дахиад ийм дөрвөн төв нийслэлд нэмж байгуулжээ.
2025-09-29
Суусан газраасаа шороо атгадаг Г.Дамдинням
Монгол Улсын ес дэх парламент бүрдэж, анхны 126 гишүүн тангаргаа өргөөд удаагүй байна. Дөрвөн нам, нэг эвслийн төлөөллөөс бүрдсэн эл парламентад иргэд биднийг хэн хэн төлөөлж байна вэ. Ардчилсан засаглалыг бэхжүүлэх, нийгэм, эдийн засгийн амьдралд хөгжил дэвшил авчрах үүрэг, зорилгоо биелүүлэх нөөц боломж, туршлага тэдэнд бий юү.
2025-09-29
2030 онд хүүхдийн хорт хавдрын эмчилгээний үр дүнг 60 хувьд хүргэнэ
Бүгд Найрамдах Узбекистан Улс, ДЭМБ, АНУ-ын “Сэйнт жүүд” хүүхдийн эмнэлэг хамтран зохион байгуулсан “Хорт хавдар болон бусад хүнд өвчтэй хүүхдүүдийн эсэн мэнд амьдрах чадварыг сайжруулах, зовлон зүдгүүрийг бууруулах дэлхийн хөдөлгөөн” сэдэвт арга хэмжээнд Эрүүл мэндийн сайд Ж.Чинбүрэн оролцжээ. Тэрбээр “Монгол Улс 2025 оноос хүүхдийн зургаан хорт хавдрын 18 төрлийн, чанартай эмийг санхүүгийн дарамтгүй буюу үнэ төлбөргүй олгож эхэлсэн. Ингэснээр хүүхдийн хорт хавдрын эмийг үнэгүй олгодог зургаан улсын нэг болсон” гэв.
2025-09-29
Хоногт 1000-1500 малын ээмэг үйлдвэрлэх хүчин чадалтай үйлдвэр ашиглалтад оруулав
Хүнс, хөдөө аж ахуй, хөнгөн үйлдвэрийн яамнаас малыг ялган тэмдэглэж, бүртгэлд хамруулах ажлыг улсын хэмжээнд эхлүүлээд буй билээ. Ингэснээр мал, түүний гаралтай түүхий эд, бүтээгдэхүүнийг хянан шалгах боломж бүрдэхээс гадна хүнсний аюулгүй байдал, тэр дундаа гарал үүслийг нь тодорхойлоход тустай аж. Иймд малчин, фермер, үйлдвэрлэгчид холбогдох хуульд заасны дагуу мал сүргээ ялган тэмдэглэж, бүртгэлд хамруулах үүрэгтэй.
2025-09-28
Германаас ирсэн захидал
Нүүрсний сонсголын гол гэрчүүдийн нэг гэгдэх, “Адменирал” компанийн хөрөнгө оруулагч Хасбаатар агсны тухай улс төрийн эрх бүхий албан тушаалтан ноцтой мэдээлэл саяхан хийсэн. Нийгэмд түгшүүр, эргэлзээ төрүүлсэн дээрх мэдээллийн талаар үнэн мөнийг тодруулахаар “Өнөөдөр” сониныхон бид Хасбаатарын эхнэртэй холбогдлоо.
2025-09-28
“Улаанбаатар” олон улсын кино наадам ирэх сарын 8-нд эхэлнэ
17 дахь удаагийн “Улаанбаатар” олон улсын кино наадмыг ирэх сарын 8-15-нд зохион байгуулах нь. Эл наадмын үеэр кино урлагийн боловсрол олгох “Залуу үзэгч” хөтөлбөр болон уран бүтээлчдэд зориулсан “Industry day” форумыг зохион байгуулахаар төлөвлөжээ. Мөн Монгол Улсад кино урлагийн салбар үүсэж хөгжсөний 90 жилийн ойг тохиолдуулан эл наадмын “Үзэхийн хязгаар” хэсэгт манайсор болсон уран бүтээлчдийг дахин алдаршуулан, тэдэнд хүндэтгэл үзүүлэх зорилгоор Хөдөлмөрийн баатар, найруулагч Г.Жигжидсүрэнгийн 1970 онд бүтээсэн “Анхны алхам”, 1976 онд туурвисан “Хүний амь” зэрэг бүтээлийг өргөн дэлгэцээр толилуулах юм байна.
2025-09-28
Сонсголгүй иргэдийн эрхийг хамгаалахад анхаарна
Сонсголгүй иргэдийн эрхийг хамгаалах олон улсын долоо хоног энэ сарын 22-28-нд тохиож буй юм. Эдгээр өдрийг “Дохионы хэлний эрхгүйгээр хүний эрх гэж үгүй” уриан дор дэлхий нийтэд тэмдэглэн өнгөрүүлж байна. НҮБ-аас 2017 оны арванхоёрдугаар сард жил бүрийн есдүгээр сарын 23-ныг албан ёсоор Олон улсын дохионы хэлний өдөр болгохоор шийдвэрлэжээ.
2025-09-27
I-II ангийн сурагчид гэрийн даалгаварт 20-30 минут зарцуулах ёстой
Сурагчдын гэрийн даалгаварт зарцуулж буй хугацаа харилцан адилгүй ч ялангуяа бага ангийнхан ачаалал ихтэй байдаг талаарэцэг, эхчүүд гомдоллосоор ирсэн. Хичээл нь өглөө ордог хүүхдүүд сургуулиасаа тарж ирээд гэрийн даалгавар хийх нэрээр өдөржин ширээний араас өндийдөггүй. Өдөр хичээлтэй нь шөнө дүл болтол суудаг. I, II ангийнхан гэхэд л өдөр бүр нэг шүлэг шинээр цээжлэх, хуулан бичлэг, цээж бичиг хийх, тоо бодох зэргээр даалгавар гүйцэтгэхэд багадаа 2-3 цаг зарцуулж буй талаар иргэд шүүмжилдэг.
2025-09-27
Нар хэсэгчлэн хиртэв
Номхон далайн өмнөд хэсэг болон Антарктид орчимд нарны хэсэгчилсэн хиртэлт энэ сарын 21-нд болжээ. Энэ нь нар, сар, дэлхий гурав нэг шугамд байрлах үед тохиолддог ховор үзэгдэл бөгөөд бүтэн хиртэхэд манай гаргийг харанхуй нөмөрдөг.
2025-09-27
Ноён хутагтын зохиосон монгол бичгийн цагаан толгойг олны хүртээл болголоо
Дорноговь аймаг дахь Ноён хутагтын музейнхэнсоён гэгээрүүлэгч, их хүмүүн Дулдуйтын Данзанравжаагийн Хүүхдийн дацангийн үндэсний бичгийн сургалтад хэрэглэж байсан, түүний зохиосон тэргүүн цагаан толгойг хос дэвтэр болгон хэвлэж, олны хүртээл болгожээ. Тус музейн үзмэрийн үндсэн бүртгэлийн дугаартай, монгол бичгийн болон танин мэдэхүйн сурах бичгийг Хүүхдийн дацанд хэрэглэж байснаар нь хэвлэсэн аж. Долоон мөрөөр, хуудас болгонд нь эгшиг, гийгүүлэгчийг аймаглан бичсэн эхний, нимгэн цагаан муутуу дээр монгол бичгээр таван эгнээ тэрлэсэн хоёр дэвтрийг Үндэсний бичгийн III хөтөлбөрийн хүрээнд хэвлэж, бүх хүн ашиглахад ийн хүртээмжтэй болгосон байна.
2025-09-26
Арвайхээр сумын III цэцэрлэгийн багш, хүүхдүүд өөрсдийн тарьж ургуулсан бүдүүн, нарийн ногоогоо хураажээ
Өвөрхангай аймгийн Арвайхээр сумын, улсын тэргүүний III цэцэрлэгийнхэн хүнсэнд хэрэглэдэг төмс, хүнсний болон нарийн ногоогоо өөрсдөө тариалдаг болжээ. Тэд жил бүрийн хавар Дайрганы голд 0.3 га талбайд төмс, хүнсний ногоо тариалж, өдийд арвин ургац хураадаг гэнэ. Тариан талбайгаасаа дунджаар 220 кг нарийн ногоо, 800 гаруй кг төмс, хүнсний ногоо хураан авч, нөөцөлдөг аж. Энэхүү эрүүл, эко нөөцөөрөө өвлийн улиралд олон төрлийн шим тэжээлтэй, бүдүүн, нарийн ногоогоор баялаг хоол, хүнс зэхэж, хүүхэд багачуудаа “борддог” байна.
2025-09-26
Ахмад настнуудын 73.4 хувь нь сэтгэл санааны хүчирхийлэлд өртжээ
Хүчирхийллийн эсрэг үндэсний төвд 20202025 оны зургаадугаар сарын байдлаар гэр бүлийн хүчирхийлэлд өртсөн 1172 ахмад бүртгэгдсэн байна. Тэдний 1120 нь эмэгтэй, 52 нь эрэгтэй аж. Тэдний 860 нь сэтгэл санааны, 196 нь эдийн засгийн, 115 нь бие махбодын, нэг нь бэлгийн хүчирхийлэлд өртжээ.
2025-09-26
“Эрдэнэт үйлдвэр”-ийн захирал асан Ц.Даваацэрэнгийн хэргийн урьдчилсан хэлэлцүүлгийг хойшлуулав
“Эрдэнэт үйлдвэр”-ийн ерөнхий захирлаар ажиллаж байсан, дараа нь “Тавантолгой түлш” ХХК-ийн гүйцэтгэх захирлын албыг хэсэг хугацаанд хашаад 2024 оны хавар тэтгэвэртээ гарсан Ц.Даваацэрэн болон С.Мөнхтөр нарт холбогдох хэргийн шүүхийн урьдчилсан хэлэлцүүлгийг өчигдөр хийхээр товлоод байв. Гэвч аравдугаар сарын 23-ны 10.00 цаг хүртэл хойшлууллаа. Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн шүүгч Л.Галбадар удирдан өчигдөр эхлүүлсэн урьдчилсан хэлэлцүүлгийн хуралд иргэний хариуцагч “Медипас” ХХКийн хууль ёсны төлөөлөгч, өмгөөлөгч нар ирээгүй бөгөөд хойшлуулах хүсэлт шүүхэд өгсөн аж. Шүүх хуралд оролцогч прокурор, зарим өмгөөлөгч нар хурлыг үргэлжлүүлэх санал гаргасан ч урьдчилсан хэлэлцүүлэг явуулах хүсэлт гаргасан талынхныг байлцуулах ёстой гэж шүүгч дүгнэснээр хойшлуулахаар шийдвэрлэлээ.
2025-09-26
Д.АМАРБАЯСГАЛАН: Намайг илтэд дэмждэг хүмүүс Бага хуралд ирээгүй байвал АТГ-ын дарамтад орсон гэж ойлгоно
УИХ-ын дарга Д.Амарбаясгалан өчигдөр сэтгүүлчидтэй уулзаж, цаг үеийн асуудлаар тайлбар, мэдээлэл өгсөн юм. Түүний талаар УИХ-ын гишүүн, Хууль зүй, дотоод хэргийн сайд асан Б.Энхбаяр ноцтой мэдээлэл дэлгэсэн билээ. Тэрбээр “МАН-ын даргад нэр дэвших үедээ би та бүхэнд дэлгэрэнгүй ярилцлага өгнө гэж амласан. Тэр дагуу энэхүү уулзалтыг хийж байна. Ийм зүйл болохыг мэдэж байсан. Өнгөрсөн хугацаанд маш олон төрлөөр, баримт үзүүлэхгүйгээр магадгүй, болзошгүй гэдэг үндэслэлээр намайг гүтгэлээ” гэсэн юм. Сэтгүүлчдийн асуултад тэрбээр ийн хариуллаа.
2025-09-26
Махны үнэ өсөж, хүнсний ногооных буурч байна
Нийслэлийн хүн амын хүнсний хангамжийг сайжруулах, үндэсний үйлдвэрлэгчид, тариаланчдын шилдэг бараа бүтээгдэхүүн, шинэ ургацын дээжийг хэрэглэгчдэд шууд хүргэх зорилгоор “Намрын ногоон өдрүүд” үзэсгэлэн, худалдааг Төв цэнгэлдэх хүрээлэнд энэ сарын 22-28-нд зохион байгуулж байна. Мөн Баянхошууны Баруунсалаанд байрлах, 21 аймгийн малчид гар дээрээсээ бэлдсэн махаа зуучлагчгүйгээр худалдах цэг ажиллаж буй. Бид эдгээр газраар зочлон, мах, хүнсний ногооны үнийн өөрчлөлтийг сурвалжиллаа.
2025-09-26
Б.Амарсайханыг эрүүл мэндийн шалтгааны улмаас цагдан хорих санал гаргаагүй бололтой
УИХ-ын гишүүн асан, “GEM групп”-ийн эзэн, улсын гарди Ц.Цэрэнпунцагийн хүү Санжаачойпэл, хууль тогтоогч асан, “Эрэл” ХХК-ийг үүсгэн байгуулагч Б.Эрдэнэбатын хүү Тэмүүлэн, ХААН банкны нөлөө бүхий хувьцаа эзэмшигч, “Таванбогд групп” ХХК-ийн эзэн Ц.Баатарсайханы хүү, “Говь” ХК-ийн гүйцэтгэх захирал Б.Амарсайхан, иргэн Л.Алтан-Очир нарт холбогдох хэргийг Сүхбаатар дүүргийн Цагдаагийн газрын I хэлтсийнхэн тун удахгүй шалгаж дуусаад яллах дүгнэлт үйлдүүлэхээр прокурорын хяналтад шилжүүлэх гэж буй аж. Тэд өнгөрсөн долоодугаар сарын 18-19-нд шилжих шөнө иргэн Д.Саяннямбууг зодож гэмтээсэн хэрэгт холбогдсон юм.
2025-09-26
“Жоом”-оо алах гээд улсаа галдав, МАН-ынхаан
Монгол Улсын төрийн гол институцүүдийн удирдлагын хоорондох зөрчил, хагарал, талцал, эрх мэдлийн төлөөх тулаан ил цагаандаа гарч, өнөр олон үзэгч, хөгжөөн дэмжигч, фанатуудынхаа “алга ташилт”-д бялууран сохров. Монгол ардын нам засагласан 10-аад жилийн хугацаанд “Хаан шалдан байна” гэж хөндлөнгөөс хэн нэгэн хашхираад ч сонсохгүй, сонссон ч итгэхгүй болтол нийгмийг “ваакумдах” хүсэл сонирхол нь биежээд байхыг яана. Өнөөгийн төрийн эрх барих дээд байгууллага, гүйцэтгэх засаглалын тэргүүн хоёрын дундах өрсөлдөөний гал дээр тос нэмэн, араас нь дөгөөн “балиашиглаж” суугаа Ерөнхийлөгч болон Женко хэмээх “хоёр үзүүртэй зүү” тэргүүт хүмүүсийн байгаа байдлаас харахад жоомоо алах гээд байшингаа шатаадаг онигоо адил юм болох гээд байх шиг.
2025-09-26
