Жуулчдын тасалбарын захиалгыг энэ сарын 30 хүртэл авахаар болжээ
Үндэсний их баяр наадам үзэх хүсэлтэй гадаад жуулчдын тасалбар захиалга, суудал хуваарилалтыг одоо хүртэл тодорхой болгохгүй байгаад аялал жуулчлалын салбарынхан шүүмжлэлтэй хандаж, холбогдох байгууллагуудад шаардлага хүргүүлсэн юм. Тэгвэл нийслэлийн Аялал жуулчлалын газар info@tourism.ub.gov цахим хуудас болон Бичиг хэргийн хэлтсээрээ дамжуулан уржигдраас захиалгын хүсэлт авч эхэлжээ. Аялал жуулчлалын байгууллагууд энэ сарын 30-ны дотор хүсэлтээ илгээх боломжтой гэнэ.
2023-06-23
“Замын-Үүд-Эрээн чиглэлд суудлын 50 автомашинаар зорчигч тээвэрлэнэ”
Замын-Үүдийн боомтоор Эрээн хот руу зорчих зорчигч болон ачаа тээврийн автомашины тоо нэмэгдэн, хил нэвтрэхээр урт дараалал үүсгэсээр байгааг иргэд мэдээлж буй. Тэгвэл Замын-Үүд-Эрээн чиглэлд өдөрт зорчигч тээвэрлэх 40 автобус үйлчлэхээр хоёр тал тохиролцсон юм байна. Эдгээрийн 20-ыг манайх, 20-ыг нь урд хөршөөс хөдөлгөөнд оролцуулахаар болжээ.
2023-06-23
Амьтанд хайртай залууст зориулсан өдөрлөгтэй
“Азтай савар” төрийн бус байгууллага амьтанд хайртай залуусыг нэгтгэх, үйл ажиллагаагаа танилцуулах зорилгоор санаачилсан “Be pawsitive” өдөрлөгөө энэ сарын 24-нд Үндэсний цэцэрлэгт хүрээлэнгийн хөлбөмбөгийн талбайд гурав дахь удаагаа зохион байгуулахаар товложээ. Амьтан тэжээдэг, хайрладаг хүн бүхэн уг арга хэмжээнд оролцож болдог.
2023-06-23
860-883 мянган жуулчин дотоодод аялна гэж тооцлоо
“Улаанбаатар аялал жуулчлалын холбоо” НҮТББ-аас 2023 оны дотоодын аялал жуулчлалын чиг хандлагын судалгаа хийжээ. Тэдний тооцоолсноор энэ зун 860-883 мянган жуулчин дотоодод аялж, 211.9-220.8 тэрбум төгрөгийг эдийн засагт төвлөрүүлэх гэнэ.
2023-06-23
БЗС-ийн санхүүжилтийн эрхийг 50 шалгуулагчид олгоно
Дэлхийн шилдэг их сургуулийн бакалаврын хөтөлбөрт суралцуулах сонгон шалгаруулалтын бүртгэлийг дөрөвдүгээр сарын 11-нээс тавдугаар сарын 11-ний өдрүүдэд зохион байгууллаа. Бүртгэлд 133 иргэн материалаа ирүүлжээ.
2023-06-23
Варшав хотод “Монгол наадам” боллоо
Варшав хотод “МОНГОЛ НААДАМ”-ыг Польш дахь Монголчуудын холбоо Польшийн Варшав хотын Повшин цэцэрлэгт хүрээлэнд зохион байгууллаа. Наадмын нээлтэд Варшав хот, Повшин цэцэрлэгт хүрээлэнгийн удирдлагууд болон албаны зарим хүмүүс Польшийн талаас уригдан оролцсон байна.
2023-06-23
Хувийн хэвшлийн авиа компаниуд нислэгээ цуцалж эхэлжээ
“Шинэ сэргэлтийн бодлого”-д тусгасан агаарын тээврийг либералчлах, “Монголд зочлох жил” санаачилгын хүрээнд дэвшүүлсэн дотоодын нислэгийн хүртээмжийг нэмэгдүүлэх зорилтын хүрээнд Засгийн газар МИАТ ТӨХК-ийг өнгөрсөн сарын 30-наас эхлэн орон нутгийн найман чиглэлд хөнгөлөлттэй үнээр шууд нислэг тогтмол үйлдүүлж эхэлсэн билээ. Тэгвэл энэ шийдвэрийн улмаас “Аэромонголиа”, “Хүннү эйр” зэрэг авиа компани жуулчлалын улиралд төлөвлөсөн нислэгүүдээ цуцалж эхэлжээ.
2023-06-23
Эрүүл мэндийн даатгалын санд хохирол учруулсан албан тушаалтнуудыг шүүхэд шилжүүллээ
Эрүүл мэндийн даатгалын үндэсний зөвлөлийн ажлын албаны даргаар ажиллаж байсан Л.Номин, аудитор бөгөөд нягтлан бодогч Д.Сувдаа, аудитор Г.Баярмагнай нарт холбогдох хэрэгт НПГ-аас яллах дүгнэлт дахин үйлдэж шүүхэд шилжүүллээ. Л.Номин уг албан тушаалыг хашиж байхдаа 2019 оны арванхоёрдугаар сарын 2-нд Дархан-Уул, Сэлэнгэ, Архангай, Өвөрхангай аймгийн Эрүүл мэндийн даатгалын тасгийн үйл ажиллагаатай танилцах ажлын удирдамж, албан томилолтын төсөв баталж, ажлын хэсгийн гишүүд болох аудитор, нягтлан бодогч Д.Сувдаа, аудитор Г.Баярмагнай нарын дансанд 500-700 мянган төгрөг шилжүүлж, өөртөө 1.2 сая шахам төгрөг олгосон байдаг.
2023-06-23
