Био “сэлбэг хэрэгсэл”-ийг хэвлэх нь аврал
Хүн төрөлхтөн технологийн үсрэнгүй хөгжлийн үр дүнд биологийн эд, эрхтнийг принтерээр хэвлэдэг болж байна. Үүний ачаар донорын эрхтэн хүлээж нас барах тохиолдол эрс буурч, ая хүнийг аврах боломжтой. Зөвхөн АНУ-д гэхэд өдгөө барагцаагаар 100 000 гаруй хүн эрхтэн шилжүүлэн суулгах мэс засал хийлгэхээр хүлээж буй гэсэн статистик байна. Өнөөгийн байдлаар 3D принтерээр судас, арьс, мөгөөрс болон зарим эрхтнийг хэвлэдэг олон давхаргат цогц бүтэц бий болгоод буй. Хэдийгээр ийм дэвшилд хүрсэн ч ашины бүтээгдэхүүнийг хүнд шилжүүлэн суулгасан нь ердөө ганц жилийн өмнөх явдал. Олон улсын эрдэмтдийн багийнхан 2022 онд 3D принтерээр хэвлэсэн эрхтнийг анх удаа хүнд шилжүүлэн суулгажээ. Микротиа буюу төрөлхийн чихний дэлбээний дутуу хөгжилтэй, 20 настай мексик бүсгүйн эд, эсийг ашиглан Америкийн “3DBio therapeutics” компанийнхан чих “хийжээ”. Үүний тулд баруун чихнээс нь 0.5 грамм мөгөөрс авч, өөрийнх нь эс болон био бэх ашиглан хэвлэсэн байна.
2023-03-28
Дэлхийн хүний эрхийн төлөв байдлыг танилцуулав
Эмнести Интернэшлийн 2022 оны “Дэлхийн хүний эрхийн төлөв байдал” тайланд дэлхийн улс орнууд хүний эрхийн асуудлаар ялгавартай хандаж, олон улсын хамтын нийгэмлэг нийтлэг үнэт зүйлс дээр нэгдэж чадахгүй байгааг онцоллоо.
2023-03-28
“Өргөн нэвтрүүлгийн бодлогын орчныг сайжруулах төсөл”-ийг эхлүүллээ
Төслийн хүрээнд өргөн нэвтрүүлгийн салбарын хүний нөөцийг чадавхжуулах сургалт, семинарыг зохион байгуулах, өргөн нэвтрүүлгийн бодлогын орчныг сайжруулах, бодлогын судалгаа хийж, контент хөгжүүлэлтийн чиглэлээр олон улсын сайн туршлагыг нэвтрүүлэх ажлуудыг төлөвлөж, хоёр талын экспертүүд санал солилцлоо.
2023-03-28
Хоол хүнсний аюулгүй байдлын зөрчлүүд илрүүлжээ
Улсын хэмжээнд хоол хүнсний бүтээгдэхүүний үйлдвэрлэл, үйлчилгээ, худалдаа эрхлэгч иргэн, аж ахуйн нэгжийн үйл ажиллагаанд Төрийн хяналт шалгалтын тухай хуулийн “Хүний амь нас, эрүүл мэнд, хүнсний аюулгүй байдалд учирч болзошгүй эрсдэл, хууль бус үйлдлээс урьдчилан сэргийлэх, илрүүлэх, таслан зогсоох, илэрсэн зөрчлийг арилгуулах, зөвлөмж, зөвлөгөө өгөх, хоол, хүнсээр дамжих хордлого, хордлогот халдвараас урьдчилан сэргийлэх” заалтыг үндэслэн улсын байцаагч нар хяналт шалгалт хийжээ. Үүнд хүнсний 184 үйлдвэр, цех, хүнсний худалдааны 1891, хоол үйлдвэрлэл, үйлчилгээний 473 газар гэх мэтчилэн эл чиглэлийн 2708 үйл ажиллагаа эрхлэгчийг хамруулж 3284 зөрчил илрүүлж, 67 хувийг нь барагдуулжээ.
2023-03-28
Амай буюу Ж.Золбаярыг мансууруулах бодис хэрэглэж, хадгалсан хэрэгт шалгаж байна
Дижэй, аялагч Амай гэх нэрээр нь хүмүүс мэддэг болсон Ж.Золбаярыг мансууруулах бодистой холбоотой хэрэгт ЦЕГ-ын Хар тамхитай тэмцэх газрынхан шалгаж байна. Чингэлтэй дүүргийн V хорооны нутаг, “Нисдэг машин” автомашины сэлбэг хэрэгсэл, тоноглолын худалдааны төвийн ойролцоох гэртээ түүнийг мансууруулах бодис хэрэглээд байна гэсэн мэдээлэл энэ сарын 24-нд цагдаагийнханд ирсэн аж.
2023-03-28
Монголбанкны ерөнхийлөгч асан Н.Золжаргалын үндэслэлгүй хөрөнгөжсөн хэргийг шалгаж дууслаа
Монголбанкны ерөнхийлөгчөөр ажиллаж байсан Н.Золжаргалын үндэслэлгүй хөрөнгөжсөн хэрэгт хийлгэхээр шүүх, прокуророос даалгасан ажиллагааг АТГ-ын Мөрдөн шалгах хэлтсийнхэн явуулж дуусжээ. Түүнд холбогдох хэргийг 2020 оны нэгдүгээр сард Чингэлтэй дүүргийн Эрүүгийн хэргийн анхан шатны шүүх хаалттай хэлэлцээд Эрүүгийн хэрэг хянан шийдвэрлэх тухай хуулийн 33.3-1.2 дахь хэсгийн “Шүүх хуралдаанаар нөхөн гүйцэтгэх боломжгүй мөрдөн шалгах ажиллагааг хийлгэх” гэсэн үндэслэлээр прокурорын хяналтад буцааж нэмэлт мөрдөн байцаалт явуулахаар болсон юм.
2023-03-28
