Т.Түвшинжаргал олон улсын тэмцээнд түрүүлэв

ОХУ-ын Cаха улсад зохион байгуулсан, олим­­пын аварга Роман Дмитриевийн нэрэм­жит чөлөөт бөхийн залуучуудын олон улсын тэм­цээнд Монголын тамирчид дасгалжуулагч Х.Маг­­вандорж, Л.Энхбаяр, Т.Мөнгөншагай на­рын удирдлагад оролцлоо. Эмэгтэйчүүдээс 65 кг-ын жинд “Алдар” спорт хорооны та­мир­чин Н.Нар­хажид мөнгө, “Төв арж” клу­бийн Э.Од­гэрэл хүрэл медаль хүртэв. Тэгвэл хүнд жин болох 76 кг-д “Хантайшир” дэв­жээ­нийх­нээс Т.Түв­шин­жаргал дээрх тэмцээний авар­гаар то­дор­сон юм. Эрэгтэйчүүдээс 74 кг-д хүч сорьсон Б.Ган-Эр­дэнэ (73 дугаар сургууль), 86 кг-д Б.Дан­занравжаа (“Төгс” дэвжээ) нар хүрэл, Э.Баярбаатар мөнгө (“Алдар” спорт хороо) 79 кг-д Я.Ерөөлт (“Төгс” дэвжээ) хүрэл медаль гардсан байна. Энэ удаа албан ёсны төлөөлөгчөөр Монголын чөлөөт бөхийн холбооны ерөнхий нарийн бичгийн дарга Б.Мянганбаяр ажиллаж, олон улсын шүүгч Б.Төмөрбаатар тэмцээнийг дэнсэлжээ.
Ташрамд дуулгахад, эрэгтэйчүүдийн шиг­шээ багийнхан Йордан улсын Амман хотод энэ сарын 25-31-нд болох Азийн АШТ-д зодоглохоор ӨМӨЗО-ы Хөх хотод нэгдсэн бэлтгэлд хам­рагдаж байна.