Хятадын хууль сахиулах байгууллага эх газрын Хятадад кибер халдлага үйлдсэн байж болзошгүй Тайваний Ардчилсан дэвшилт намын засаг захиргаанд харьяалагддаг байгууллагын 20 гишүүний талаарх мэдээлэлд шагнал амлажээ.
Хятадын "China Daily" сонинд мэдээлснээр, Гуанжоу хотын Тяньхэ дүүргийн олон нийтийн аюулгүй байдлын товчоо эх газрын Хятадад кибер халдлага үйлдсэн байж болзошгүй 20 хүний мэдээллийг шагнаж урамшуулна гэсэн мэдэгдэл гаргажээ.
Хууль сахиулах байгууллагын мэдээлснээр энэ шийдвэр нь Тайваны Ардчилсан дэвшилт намын засаг захиргаатай холбоотой хакерын байгууллага эх газарт хууль бус кибер халдлага явуулсны хариу үйлдэл юм.
Эрэн сурвалжлагдаж буй хүмүүсийг баривчилахад тус болохуйц мэдээлэл олговол, сэжигтэн бүрийн тоогоор 10,000 юанийн (ойролцоогоор 1,388 доллар) шагнал олгох аж.
Тавдугаар сард Гуанжоугийн Тяньхэ дүүргийн олон нийтийн аюулгүй байдлын товчоо тус хотын технологийн компани кибер халдлагад өртсөн гэж мэдээлсэн.
Хууль сахиулах байгууллагынхан кибер халдлагыг Ардчилсан дэвшилт намын засаг захиргаанд харьяалагддаг Тайваний мэдээлэл, харилцаа холбоо, цахим хүчний командлал (ICEFCOM) үйлдсэн болохыг тогтоожээ.
