Монголын холимог тулаанчдаас “Physical: Asia” шоунд улсаа төлөөлж оролцсон Б.Энх-Оргил Тайландын Бангкок хотод Бразилын тамирчин Фабрико Андрадетай ирэх сарын 5-нд аваргын бүсний төлөө тулалдана. Түүнээс гадна мэргэжлийн боксын тулаанд зургаан удаа ялалт байгуулсан Х.Энхмандах АНУ-ын Калифорни мужийн рингэнд Пуэрто Рикогийн туршлагатай тулаанч, 12 ялсан Брайан Акуино Луготой өрсөлдөх бол Э.Баярцогт дэлхийн хамгийн амаргүй тулааны төрөлд багтдаг нүцгэн гарын боксын BKFC-гийн дэвжээнд Райан Петерсений эсрэг анхны тулаанаа өрнүүлэх нь. Мөн “One friday fight 133” эвентийн хүрээнд Ц.Эрдэнэбаяр “One FC”-д хоёр дахь тулаанаа хийх бөгөөд түүний гол өрсөлдөгч нь Францын Мэтью Греко байх юм. Сонирхуулахад “MGL1”-ийн 70 кг-ын жингийн аварга Т.Намнанбаяр JCK-ийн нэг сая юанийн төлөөх тэмцээний хагас шигшээд бүх Хятадын чансааг тэргүүлэгч JCK MMA-гийн аварга Али Мулатебиекэг ялж, финалд шалгарлаа. Тэрбээр сүүлийн тулаанаа Финландын аварга, хөнгөн жинд тулалддаг Макван Амирханитай хийнэ. Манай тамирчин түүнтэй өмнө нь таарахдаа III үед боолтоор ялж байв.
Өчигдрөөс илүү маргаашийг
бүтээхийн төлөө
