С.ДАШДЭМЭД: Дотоод мэдрэмжээ ямар нэгэн шүүлтүүргүй, “нүцгэн”-ээр нь буулгахыг эрмэлздэг
Европын соёл иргэншлийн голомт гэгддэг ХБНГУ-д 20 гаруй жил амьдарч, уран бүтээлийн эрэл хайгуулаа тасралтгүй үргэлжлүүлсээр ирсэн зураач С.Дашдэмэд “Миний зургууд” бие даасан үзэсгэлэнгээ Уран зургийн галерейд толилуулж байна. Энэхүү үзэсгэлэн нь түүний 30 гаруй жилийн хөдөлмөр, туурвилыг нэгэн дороос тольдох боломжийг үзэгчдэд олгож буйгаараа онцлогтой. Тэрбээр Баварын залуу уран бүтээлчдийн тэргүүн дээд болон Нюрнберг хотын Соёлын дүрслэх урлагийн шагнал хүртсэн, олон улсад хүлээн зөвшөөрөгдсөн уран бүтээлч билээ. Ингээд түүнтэй амьдралын замнал, уран бүтээлийн талаар ярилцлаа.
2026-02-05
Л.ХАЛТАР: Жирийн иргэд, хоршоодод хөнгөлөлттэй зээл, тариалангийн газар олдохгүй байна
Сүхбаатар аймгийн Баруун-Уртад үйл ажиллагаа явуулдаг “Алтан цацрал” хоршооны дарга Л.Халтартай орон нутаг дахь газар тариалангийн салбар, хоршоодын хөгжлийн талаар ярилцлаа. Тэрбээр эмч мэргэжилтэй ч газар тариалангийн салбарт 25 дахь жилдээ ажиллаж буй нэгэн. Ялангуяа хоршоог хөгжүүлэхэд анхаарч, аймагтаа төдийгүй улсдаа анхны хоршоодын нэгийг байгуулж байв.
2026-02-04
Г.ТЭЛМЭН: Төрийн өмчийг хувьчлах үндсэн чиглэл хэлэлцэх гэж буй энэ үед “Монгол шуудан” компаниас суралцах зүйл их
Улаанбаатар хот, 21 аймаг, 330 сумд 1000 ажилтантай, улсад шимтгэл, хураамжид жилд дунджаар таван тэрбум төгрөг төвлөрүүлдэг “Монгол шуудан” хувьцаат компани хувьд бүрэн шилжих үү гэдэг олон нийтийн анхаарлын төвд байна. Иргэдийн эмзэг мэдээлэл, төрийн тусгай байгууллагуудын нууц мэдээллийг хадгалдаг, дамжуулдаг стратегийн чухал объектын хувьд төрийн мэдэлд байх шаардлагатай юу. Энэ мэт цаг үеийн асуудлаар “Монгол шуудан” ХК-ийн гүйцэтгэх захирал Г.Тэлмэнтэй ярилцлаа.
2026-02-02
Б.НАРАНЦЭЦЭГ: Төрийн байгууллагынхан шийдвэр гаргах зориггүй байна
Манай сонины 2026 оны нэгдүгээр сарын 22-ны дугаарт “Хөрөнгө оруулагчдын эрх ашгийг хамгаалах төв үр дүнтэй ажиллаж чадах уу” гэсэн нийтлэл гарсныг уншигч та бүхэн санаж буй болов уу. Энэхүү нийтлэлээрээ бид тус төвийн үйл ажиллагаа төдийгүй хөрөнгө оруулагчдад тулгамддаг асуудлыг ч хөндсөн юм.
2026-01-29
Б.БАЯРСАЙХАН: Шинэ цахим системийн давуу тал нь орон алдаж бичдэгийг бүрэн зогсоосон
Нийтийн албан тушаалтнууд жил бүрийн хоёрдугаар сарын 15-ны дотор хувийн ашиг сонирхлын болон хөрөнгө орлогын мэдүүлэг (ХАСХОМ)-ээ шинэчлэн гаргадаг болсноос хойш 20 шахам жилийг үдэж байна. Энэ хооронд төрийн албан хаагчид хуулиар хүлээсэн үүргээ зохих ёсоор биелүүлж, хугацаанд нь бүртгүүлж хэвшсэн билээ. Тэгвэл энэ жил ямар онцлогтой байгаа талаар Авлигатай тэмцэх газар (АТГ)- ын Хяналт шалгалт, дүн шинжилгээний хэлтсийн Мэдүүлгийн бүрдүүлэлт, дүн шинжилгээний албаны дарга, ахлах комиссар Б.Баярсайхантай ярилцлаа.
2026-01-28
Б.ЦЭЛМЭГ: Аав минь намайг дасгалжуулаагүй бол амжилт гаргахгүй байсан
Сүүлийн үед хот, орон нутгийн хүүхэд залуус гараар татах хүчний спортоор сонирхон хичээллэж, амжилт гаргах болсон. Монголд хөгжиж буй эл спортоор дамжуулан олонд эрүүл, зөв амьдралын хэв маягийг түгээхээс гадна улс орнуудад таатай харилцааг бэхжүүлэх, шинэ түлхэц болж байна.
2026-01-27
Б.ДӨЛГӨӨН: Би өөрийгөө давтмааргүй байна
Одоогоос 10 орчим жилийн өмнө зургаан дуунаас бүрдэх “Famous men” цомгийн “бяцхан” нээлт “Hi-Fi records”-д болсон юм. Үүний “The bride and the bachelor” хэмээх уран бүтээл “Netflix”-ийн “Outer banks” цувралд, түүний зохиосон “Crimson” дуу “Хавтаст хэрэг”-т эгшиглэснийг кино үзэгчид сайн мэдэх биз.
2026-01-26
Д.СОСОРБУРАМ: Өөрсдөөрөө бахархах тоглолтыг үзэгчдэд харуулахаар зорьж байна
Волейболын үндэсний дээд лигийн 30 дахь удаагийн улирлын тоглолт өндөрлөж, хасагдах шатанд эмэгтэйчүүдийн багаас дөрөв нь шалгарч, тэмцээнээ үргэлжлүүлж буй. Плейофф-ын таван тоглолтод гурав хожсон нь аваргын төлөө шалгарна. Багууд нэгийнхээ тоглох арга барилыг сайтар судалсан нь өмнөх тэмцээнээс харагдсан тул аль нь уран тактик гаргаж, хожно тэр медалийн төлөө өрсөлдөх юм. Дасгалжуулагчид гал гартал өрсөлдөж буй энэ шатанд багийнхаа тамирчдыг наадамд шандас сорих хүлгүүд шиг сойж, ухаандаа үүцэлсэн уран нөөцөө гарган, ялалт байгуулах торгон мөчийг догдлон хүлээж байна.
2026-01-23
Б.ЭРКИГҮЛ: Монголчуудын уламжлалт хоол, хүнсний түүхий эдийн найрлагын мэдээллийг нэгтгэж байна
Хөдөө аж ахуйн их сургуулийн Инженер, технологийн сургуулийн ахлах багш, доктор Б.Эркигүлтэй ярилцлаа. Тэрбээр ШУТИС-ийг 2004 онд хүнс үйлдвэрлэлийн технологич, эрүүл ахуйч мэргэжлээр төгсөн сургуульдаа магистрын зэрэг хамгаалжээ. Улмаар БНХАУ-д “Бэлчээрийн болон суурин маллагаатай хонины махны үнэр, амтын ялгаа, тосны хүчил, тостой хамааралтай гений илэрхийллийн түвшин” сэдвээр докторын зэрэг хамгаалсан байна. Өдгөө судалгааны багийнхны хамтаар Дэлхийн хүнс, хөдөө аж ахуйн байгууллагын (FAO) “INFOODS” (International network of food data systems) хүнсний найрлагын мэдээллийн олон улсын санд монголчуудын уламжлалт хүнс, түүхий эд, хоолны найрлагын мэдээллийг нэгтгэн оруулахын зэрэгцээ Азийн орнуудын хүнсний найрлагын мэдээллийн сан байгуулах багт Монголын талын удирдагчаар ажиллаж байна.
2026-01-23
Ч.АРИУН-ЭНХ: Тулааны спортоос сурсан бүхэн минь миний давуу тал болдог
Монголын муай тай боксын шигшээ багийн тамирчин Ч.Ариун-Энх багадаа жүдо, чөлөөт бөхөөр хичээллэсэн нь хожим тулааны спортод хөл тавихад нөлөөлжээ. Түүнийг аав нь дагуулан явж, холимог тулааны шоу, тэмцээн үзүүлж, анхны мэдэгдэхүүнтэй болгосон гэдэг. Өмнөговийн Гурвантэс сумаас Улаанбаатар хотод оюутан болохоор ирсэн шавилхан охины сэтгэлийг муай тай спорт соронз шиг татсанаар нэг л өдөр “Garuda BJJ & MMA” клубийг зорьж, дасгалжуулагч Б.Гантогтохын удирдлагад бэлтгэл сургуулилалт хийж, тамирчин болох замналаа эхлүүлсэн байна.
2026-01-20
Ш.ИХБАЯР: Киног арилжааны, эсвэл арт гэж ангилахын оронд зүгээр л сайн, муу гээд ялгачихмаар санагддаг
Зарим хүнд хараал, ерөөл урсгасан, бүдүүлэг үг хэллэгтэй “хог” хэмээгдсэн ч цөөнгүй үзэгчээс чамлахааргүй сайшаал хүртээд буй “Ацаахийморь” киноны найруулагч Ш.Ихбаяртай ярилцлаа. Тэрбээр “Алтан өргөө” олон улсын кино наадмыг санаачилж, “Алтан хальс” холбоог үүсгэн байгуулсан нэгэн билээ. Арт бүтээл сонирхогчдын дунд алдартай “Dreamer’s day” кино өдөрлөгийг тогтмол зохион байгуулдгаар нь ч хүмүүс түүнийг мэдэж магадгүй юм. Ингээд түүний яриаг хүргэе.
2026-01-19
А.АРИУНБАТ: Мэргэжлийн тамирчны хэмжээнд өөрийгөө бэлдэж, өвлийн олимпын эрх авсан
Монголын уулын цанын үндэсний шигшээ багийн тамирчин А.Ариунбат “Милан-Кортина 2026” өвлийн олимпын 15 дахь удаагийн наадамд оролцох эрх анх удаа өвөртөлсөн нь спорт сонирхогчдыг баярлуулсан нэгэн шинэ түүх байлаа. Тэрбээр дасгалжуулагч С.Тэмүүлэнгийн удирдлагад бэлтгэлээ базааж, АНЭУ-ын Дубай хотын дотор байгууламж дахь цанын баазад өнгөрсөн арваннэгдүгээр сард зохион байгуулсан дөрвөн гараатай олон улсын тэмцээнд амжилттай оролцохдоо VI байр эзлэн олимпын эрхийн таван гарааны дундаж оноо 120- иос доош байх болзлыг биелүүлсэн юм.
2026-01-16
Т.ЭРДЭНЭБИЛЭГ: “Төмөр-Очирын” гэх аллагын хэргийг мухарлавал ядаж л намд нь хэрэгтэй баймаарсан
УИХ-ын гишүүн асан Т.Эрдэнэбилэгтэй 2011 онд ярилцаж байжээ. Түүнээс хойш энэ эрхэм сураг алдраад байсан юм. МАН-ын дэргэдэх сургалт, судалгаа, эрдэм шинжилгээний “Стратеги” академиас төр, нийгмийн нэрт зүтгэлтэнДарамын ТөмөрОчирын нэрэмжит шагнал бий болгож, гардуулах ёслолын үеэр түүнтэй өнгөрсөн арванхоёрдугаар сарын сүүлчээр таарав. Тэрбээр АНУ-д 10 гаруй жил амьдраад эх орондоо ирээд удаагүй байгаагаа өгүүлсэн юм. Бидний энэ удаагийн ярилцлага харь улсад олон жил амьдарсан тухайд нь бус, өвөөг нь 40 жилийн өмнө егүүтгэсэн хэргийн талаар байв. Ташрамд дурдахад, Дарамын Төмөр-Очирын нэрэмжит анхны шагналтнаар МАХН-ын Ерөнхий нарийн бичгийн дарга асан, Ардын багш, доктор Б.Даш-Ёндон, УИХ-ын дарга асан Д.Дэмбэрэл нарыг тодруулж, Д.Төмөр-Очирын дүр бүхий мөнгөн медаль гардуулсан юм.
2026-01-15
