Т.Түвшинтулга зодог тайлж, Ц.Сэрээтэр сүүлийн удаа шүгэл үлээв

“Москва-1980” олимпын мөнгөн ме­дальт, Гавь­яат тамирчин Ж.Да­ваа­жав агсны нэрэм­жит сон­го­мол, чөлөөт бөхийн насанд хүрэгч­ дийн УАШТ-д 39 шүүгч ажиллаж, жин тус бүрд авар­гуудыг тодруулсан билээ. Тус тэмцээ­ний эргэн тойронд өрнөсөн сонирхолтой үйл явд­луудын нэг нь олон улсын шүүгч, Гавь­яат дасгалжуулагч Ц.Сэрээтэр 57 кг-ын жин­гийн алтан медалийн төлөөх ба­рил­дааныг дэн­сэлсний дараа шүүгчийн зам­на­лаа албан ёсоор өндөрлүүлэв. Тэрбээр сүү­лийн удаа шүгэл үлээн, их спортын дэв­жээн­дээ хүн­дэтгэл үзүүлж, олон улсын шүүгч Э.Бат­­ насанд халаагаа өгсөн юм. Шүүг­чээр 39 жил ажил­лахдаа УАШТ-ийг нэг ч өн­жилгүй дэн­сэлсэн түүнд Монголын чөлөөт бөхийн хол­боо, мэргэжил нэгт шүүгч, тамир­чин, дас­гал­жуулагч, гэр бүлийнхэн нь хүндэт­гэл үзүүлснээс гадна шавь, найз нөхөд нь “Саруул хотхон”-д хоёр өрөө байр бэлэг­лэв. Ц.Сэрээтэр “Бээжин-2008” зуны олим­под чөлөөт бөхийн Үндэсний шигшээ багийн дасгалжуулагчаар оролцож, 2011 онд олимпын зэрэглэлтэй шүүгч болсноор “Лондон-2012” олимпын наадамд шүүгчээр ажилласан юм. Түүний аав О.Цэрэндагва нь олон улсын шүүгчээр ажиллахдаа 1964, 1968, 1972, 1976 оны зуны олимпод дасгалжуулагч, шүүгчээр оролцсон түүхтэй.

Түүнчлэн эрэгтэйчүүдийн 61 кг-ын жинд зо­дог­лодог ДАШТ-ий хүрэл (2018), Ази тивийн хошой хүрэл, Иван Ярыгиний нэрэмжит олон улсын тэмцээний мөнгө, хүрэл медальт, улсын зургаан удаагийн аварга, олон улсын хэмжээний мастер Түмэн­би­лэ­гийн Түвшинтулга мөн сүүлчийн удаа УАШТ-д хүч сорьж, чөлөөт бөхийн дэв­жээ­нээ хүндэт­гэл үзүүлэн зодог тайллаа. Тэр­бээр өнгөр­сөн жил дэлхийн чансааны оноо олгох “Улаан­баатар опен” тэмцээнд тү­рүүлж, тив, дэл­хийн тэмцээнд улсаа тө­лөөлж оролцсон билээ.