Г.Хишигсайхан олон улсын хагас марафонд хүрэл медаль хүртлээ

БНХАУ-ын Янжөү хотод болсон олон улсын хагас марафон гүйлтийн Зүүн Азийн аварга шалгаруулах дөрөв дэх удаагийн тэмцээнд Монголоос хөнгөн атлетикийн үндэсний шигшээ багийн дасгалжуулагч Б.Доржпаламын удирдлагад эрэгтэйчүүдээс Б.СэрОд, Г.Бат-Эрдэнэ О.На­цаг­дорж, эмэгтэйчүүдээс Г.Хишигсайхан, Б.Мөнх­заяа, Б.Номин нар оролцов. Тэднээс Г.Хишигсайхан хү­рэлмедаль хүртлээ. Тэрбээр өмнө нь тус улсын Чэндү хотод 2024 онд болсон “Chengdu marathon” олон улсын эмэг­тэйчүүдийн 42 км 195 метрийн бүтэн марафонд хурд сорьж түрүүлсэн юм. Дотооддоо хагас марафон 21.095 км-ийн зайд улсын дээд амжилт эзэмшдэг тэрбээр Японд өнгөрсөн жил зохион байгуулсан хөнгөн атлетикийн “Токио-2025” ДАШТ-ий эмэгтэйчүүдийн марафоны 42 км-т 25 дугаар байрт шалгарч байв. Түүний амжилт Монголын хөнгөн атлетикийн тамирчдаас ДАШТ-д гаргасан хамгийн өндөр ололт болсон билээ. Тэгвэл эрэгтэйчүүдээс Гавьяат тамирчин Б.Сэр-Од IV байрт шалгарчээ.