Хавар болох нь
Ирэх улирлын буюу хаврын цаг агаарын ерөнхий төлөвийг цаг уурын байгууллагаас гаргажээ. Агаарын температур ирэх хоёрдугаар сард ихэнх нутгаар олон жилийн дунджаас хүйтэн, гуравдугаар сард нутгийн баруун хэсгээр дулаан, зүүн хойд хэсэгт хүйтэн, бусад нутгаар дунджийн орчим байх төлөвтэй. Хаврын тэнгэр халтай гэдэг шиг энэ хавар ч мөн цаг агаарын огцом дулаарал, хүйтрэл үе үе ажиглагдах гэнэ. Иймд малчид, ард иргэд мал бэлчээх хугацаагаа тохируулах, өвс, тэжээлийн нөөцөө хангах, мал төллүүлэх хашаа хороогоо эртнээс бэлтгэж, цаг агаарын мэдээгээ цаг тухай бүрд авч ашиглахыг анхаарууллаа.
2026-01-23
ТОП-20 индексийн шинэчилсэн сагсанд “Улсын их дэлгүүр”, “Эм жи эл акуа” ХК багтлаа
Монголын хөрөнгийн бирж Үнэт цаасны үнийн индекс тооцох журмын дагуу оны эхэнд ТОП-20 индексийн сагсаа шинэчилж танилцуудаг. Энэ оны өөрчлөлтөөр өмнөх сагсанд багтаж байсан 18 компани хэвээр үлдэж, “Ард кредит ББСБ”, “Монгол шуудан” хасагдаж, шинээр “Улсын их дэлгүүр”, “Эм жи эл акуа” ХК нэмэгдэн орж ирсэн байна. Тус индексийн багцыг бүрдүүлэхдээ хөрөнгийн биржид бүртгэлтэй бүх компанийг зах зээлийн үнэлгээ, арилжааны өдрийн дундаж гүйлгээ гэсэн хоёр үзүүлэлтээр хамгийн өндөр гүйцэтгэлтэй гарсныг нь сонгодог.
2026-01-23
БНСУ хиймэл оюуныг хуульчилсан дэлхийн анхны улс болов
БНСУ технологийн салбарт шинэ жишиг тогтоож, хиймэл оюуныг аюулгүй ашиглах тухай цогц хуулийг хэрэгжүүлж эхэлсэн дэлхийн анхны улс боллоо. Тус улсын баталсан Хиймэл оюуныг хөгжүүлэх ба итгэлцлийн суурийг бүрдүүлэх тухай суурь хууль нь олон салангид дүрэм журмын эмхэтгэл бус, харин бие даасан нэгдсэн зохицуулалт гэдгээрээ онцлог юм. Уг баримт бичигт технологийн компаниудын дагаж мөрдөх ёстой эрх зүйн хэм хэмжээ, дэвшилтэт загваруудад тавих шаардлага болон хууль зөрчсөн тохиолдолд ногдуулах торгуулийг ч нарийвчлан тусгажээ.
2026-01-23
102 аппликэйшнээр зөрчил мэдээлсэн иргэдэд 143 сая төгрөгийн урамшуулал олгох нь
Нийслэл дэх 176 уулзвар, гарц болон авто замын 2600 гаруй камерыг хиймэл оюунд суурилсан нэгдсэн системд холбож, нэгдүгээр сарын 1-нээс дүрэм зөрчигчдөд торгууль ногдуулж эхэлсэн. Замын хөдөлгөөний дүрэм зөрчсөн иргэдийн гар утсанд мэдэгдэл нэг өдөрт хэдэн арваар нь ирүүлж, “дасгасаар” оны эхнээс торгууль ногдуулсан билээ.
2026-01-23
Эрчим хүчний салбарт тогтолцооны өөрчлөлт хийх төсөл боловсруулна
АН-ын “4-11” цагаар УИХ-ын гишүүн Ө.Шижир, тус намын нарийн бичгийн дарга А.Батпүрэв, хуульч Х.Номингэрэл нар мэдээлэл хийлээ. Эрчим хүчний салбарт үүссэн доголдол бол эрх баригчдын олон жилийн худал амлалтын гор гэдгийг тэд сануулж, зах зээлийн зарчмаас “гээгдэж үлдсэн” эл салбарт тогтолцооны өөрчлөлт хийхийн тулд төсөл боловсруулж буйгаа дуулгасан юм.
2026-01-23
Хууль зүйн байнгын хороо 33 асуудал хэлэлцэн шийдвэрлэжээ
Хууль зүйн байнгын хороо намрын чуулганы хугацаанд 16 удаа хуралдаж, эрхлэх асуудлынхаа хүрээнд хамаарах 33 асуудлыг хэлэлцэн шийдвэрлэжээ. Хуулийн зургаа, тогтоолын дөрвөн төслийг тэд гараас гаргасан аж. Тухайлбал, Эрүүгийн хэрэг хянан шийдвэрлэх тухай хуульд зохих өөрчлөлтийг оруулах үүрэг бүхий ажлын хэсгийг байгуулж, төслийг боловсруулан нэгдсэн чуулганаар хэлэлцэн батлуулсан байна. Мөн Шүүхийн ерөнхий зөвлөлийн шүүгч бус гишүүнийг сонгон шалгаруулж, нэр дэвшигчийн сонсгол зохион байгуулсан.
2026-01-23
Орон нутгийн соёл урлагийн салбарынхан цалингаа нэмүүлэхийг шаардаж байна
Орон нутгийн соёл урлагийн салбарынхан цалингаа нэмүүлэх, хөдөлмөрөө бодитоор үнэлүүлэхийн төлөө нэгдэж, “Соёлын салбарт хүн ажилладаг” акц өрнүүлж эхэллээ. Тодруулбал, Хэнтий аймгийн бүх сум, тосгоны Соёлын төвийн ажилтнууд ажлын байрандаа эсэргүүцэл илэрхийлэн, уриа лоозон барьж нэгджээ. Засгийн газраас өнгөрсөн онд Төрийн үйлчилгээний албан хаагчийн цалингийн талаар авах арга хэмжээний тухай тогтоол гаргасан.
2026-01-23
16 болон 32 настай эмэгтэйг хөнөөсөн Ц.Дагвадорж хохирогчийн төлөөлөгчийг оролцуулахыг хүсжээ
16 настай охиныг хөнөөн цогцсыг нь чемоданд хийж нуухыг завдсан болон 32 настай эмч бүсгүйн амийг бүрэлгэсэн Ц.Дагвадорж, түүнтэй хамжсан хэрэгт холбогдсон Э.Ган-Эрдэнэ, Э.Номин-Эрдэнэ, насанд хүрээгүй охиныг зуучилсан Х.Энхсайхан нарын гэм буруутай, эсэхийг дэнслэх хурал өчигдөр Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхэд эхэллээ.
2026-01-23
“Орон нутагт хүүхдийн сурч боловсрох эрх хамгийн их зөрчигддөг”
Хүний эрхийн үндэсний комисс (ХЭҮК)-оос 2025 онд орон нутагт хэрэгжүүлсэн үйл ажиллагаа болон хүний эрхийн төлөв байдлын талаарх нэгдсэн тайлангаа өчигдөр олон нийтэд танилцууллаа. Тайлант хугацаанд тус байгууллага иргэдээс нийт 1344 гомдол хүлээн авсны 300 орчмыг нь орон нутгийн оршин суугчид ирүүлжээ. Өргөдөл, гомдлын дийлэнхийг шударга шүүхээр шүүлгэх болон хөдөлмөрлөх эрхтэй холбоотой асуудал эзэлж байгаа бол хүүхдийн эрх, халамж үйлчилгээ, халдашгүй байдлын талаарх санал, хүсэлт ч багагүй хувийг бүрдүүлсэн аж.
2026-01-23
Эрчим хүчний салбарынхантай холбоотой авлигын хэрэгт холбогдогчдын тоо нэмэгджээ
Эрчим хүчний салбарт үүрлэсэн авлигачдын сүлжээг АТГ-ынхан илрүүлэн өнгөрсөн долоо хоногоос хойш олон ч байгууллага, аж ахуйн нэгж, гэр, орон сууцад прокурорын зөвшөөрснөөр нэгжлэг хийж буй. Хууль сахиулагчид өчигдөр ажлаа үргэлжлүүлж, “Эрчим хүчний үндэсний төв” ТӨХХКийн захирал Д.Бямбасүрэн, “Баруун бүсийн эрчим хүчний систем” ТӨХК-ийн Баян-Өлгий аймаг дахь салбарын дарга М.Кадирбек нарыг шалгаж эхэлсэн аж.
2026-01-23
Монголын баг “Дэлхийн цом”-д түрүүллээ
Австрали улсын Брисбен хотод болсон хейбол биллиардын эрэгтэй, эмэгтэйчүүдийн багийн “Дэлхийн цом”-ын тэмцээнд Монголын тамирчид 26 орны 64 багтай ур чадвараа сорив. Эрэгтэйчүүдийн ангилалд Э.Тэмүүжин, Л.Дэлгэрдалай, Д.Дамдинжамц нар аваргын төлөө БНСУ-ын багийг хожиж, 75000 ам.долларын эзэн болжээ. Энэ удаа медалийн төлөө тоглосон багуудаас БНХАУ-ын баг III байр эзэлсэн юм. Тус тэмцээнийг олон улсын хэмжээнд анх удаа зохион байгуулахад манай улсын баг тэргүүлэн алтан цом гардаж, биллиардын спортын эл төрөлд хүчтэй өрсөлдөгч болсноо харууллаа.
2026-01-22
Гадаадад аялагчдын тоо сүүлийн таван жилд 413 мянгаар нэмэгджээ
Сүүлийн жилүүдэд монголчууд ялангуяа өвлийн улиралд гадаадад аялж зугаалах нь огцом нэмэгдсэн. Тэр дундаа Зүүн Өмнөд Азийн улс орнууд руу хамгийн их зорчдог болжээ. Эл бүс нутгийн цаг агаарын хамгийн тааламжтай үе нь манай өвлийн улиралтай давхацдаг, аяллын зардал ч боломжийн тул тийш зориход голлон нөлөөлдөг байна. Утаатай, түгжрэлтэй, хүйтэн өвлийг далайн эргийн халуун орнуудад ийн амрангаа давдаг моод жил ирэх тусам хүрээгээ тэлсээр буйг Үндэсний статискикийн хорооноос гаргасан судалгаанаас харж болно.
2026-01-22
Аврагч, гал сөнөөгчөөр ажиллахыг хүсвэл бүртгүүлээрэй
Аврагч, гал сөнөөгч, гал унтраах автомашины жолоочийн мэргэжлийн сургалтад иргэдийг сонгон шалгаруулахаар бүртгэлийг эхлүүлсэн байна. Хугацаат цэргийн алба хаасан (биеэр болон оюутан цэрэг, дүйцүүлэх хэлбэрээр), 165 см-ээс дээш өндөртэй, 19-25 насны (гал унтраах автомашины жолооч 30 хүртэл настай), бүрэн дунд болон түүнээс дээш боловсролын зэрэгтэй, гэмт хэрэг үйлдэж, ял шийтгүүлж байгаагүй, биеийн ил харагдах хэсэгт шивээсгүй байх гэсэн шаардлагыг хангаж буй иргэн сонгон шалгаруулалтад оролцож болох нь
2026-01-22
