Ойрх Дорнодын бүс нутагт манай улсын 371 иргэн бий
АНУ, Израилийн зүгээс өнгөрсөн бямба гарагт Иран руу өргөн хүрээтэй агаарын цохилт өгсөн нь Ойрх Дорнодын нөхцөл байдлыг огцом хурцатгасан үйл явдал болов. Үүний улмаас Ираны дээд удирдагч Аятолла Али Хаменей амь үрэгдэж, түүний охин, хүргэн болон ойр тойрных нь хүмүүс эндсэн талаар олон улсын хэвлэлүүд мэдээллээ.
2026-03-03
Д.Амарбаясгалан МАН-ын гишүүнээс өөрөө түрүүлж түдгэлзэх үү
МАН-ын дарга Н.Учрал өнгөрсөн баасан гарагт болсон Бага хурлынхаа үеэр намдаа цэвэрлэх, цэгцлэх хөдөлгөөн эхлүүлж, авлига, албан тушаалын гэмт хэрэгт нэр холбогдсон, ёс зүйн ноцтой зөрчил гаргасан хүмүүст хариуцлага тооцохоо мэдэгдсэн билээ.
2026-03-03
Мазаалайн генетикийн иж бүрэн судалгааг анх удаа Монголд эхлүүллээ
Үндэсний бахархалт амьтан мазаалай баавгайг хамгаалах өдрийг жил бүрийн хоёрдугаар сарын 28-нд тэмдэглэн өнгөрүүлдэг уламжлалтай. Мазаалай нь зөвхөн Монгол орны хэт гандуу, цөлийн бүсэд тархацтай, хамгийн халуун, хатуу ширүүн, хуурай уур амьсгалтай орчинд дасан зохицсон хүрэн баавгайн дэд зүйл юм. Дэлхийн байгаль хамгаалах холбооны (IUCN) Улаан дансанд “устаж байгаа” ангилалд бүртгэгдсэн. Энэ ангилалд орсон бол байгальд устах эрсдэлд байгааг илтгэдэг.
2026-03-02
“Музейн нээлттэй өдрүүд”-д зочлоорой
Жил бүр зохион байгуулдаг “Музейн нээлттэй өдрүүд” гуравдугаар сарын 1-7нд болно. Энэ өдрүүдэд Богд хааны ордон музей, “Чингис хаан” үндэсний музейн үзмэрүүдийг олон нийтэд үнэ төлбөргүй үзүүлэх гэнэ. Харин Чингис хааны хүндэтгэлийн өргөө болон Алтан шүтээн хөшөөг үзэж сонирхоход төлбөртэй аж.
2026-03-02
Төмөр хийх шинэ технологи боловсруулжээ
Төмөр бол дэлхий нийтэд өргөн хүрээнд, олон салбарт хамгийн чухал материал. Хүдэр олборлож, баяжуулаад, асар өндөр температурт кокс ашиглан шатаах зэргээр олон шат дамжлагатай түвэгтэй үйл явцын үр дүнд төмөр хэмээх металл бии болдог. Уул уурхай буюу газрын хэвлийг сэндийчиж, зууханд кокс шатааснаар нүүрстөрөгчийн исэл ялгаруулан байж үйлдвэрлэдэг гэсэн үг.
2026-03-02
“Занабазар: Тал нутгийн мэлмий” тусгай үзэсгэлэнг Туринд дэлгэв
Өндөр гэгээн Занабазарын мэлмий гийсний 390 жилийн ойн хүрээнд “Занабазар: Тал нутгийн мэлмий” тусгай үзэсгэлэнг Итали улсын Турин хотын Дорно дахины урлагийн музейд олон улсын үзэгчдийн хүртээл болгож байна. Энэхүү үзэсгэлэн Монголын түүх, соёлын хосгүй үнэт дурсгал болох Өндөр гэгээний хөрөг, хүрэл цутгамал “Ногоон дарь эх” бүтээл дэлгэж, Өрнө дахины үзэгчдийн мэлмийг баясгаж буйгаараа онцлогтой.
2026-03-02
Баянхонгорын Жинстэд газар 4.1 магнитудын хүчтэй хөдөлжээ
Баянхонгорын Жинст сумд өчигдөр 01.00 цагт газар 4.1 магнитудын хүчтэй хөдөлснийг Одон орон, геофизикийн хүрээлэнгээс мэдээлэв. Газар хөдлөлийн төвийн байршил нь өргөрөгийн 45.03, уртрагийн 100.35 хэмд, 10 км гүнд бүртгэгдсэн байна. Газар 3.5-аас дээш магнитудын хүчтэй хөдөлсөн тохиолдлыг мэргэжлийн байгууллагынхан бүртгэдэг.
2026-03-02
“Эрдэнэс Тавантолгой” компани стандартын баталгаажуулалтын шинэ гэрчилгээ авлаа
“Эрдэнэс Тавантолгой” компани олон улсын нэгдсэн менежментийн тогтолцооны дэлхийн жишигт нийцсэн стандартын баталгаажуулалтын гэрчилгээ авснаа мэдээллээ. Тус компани нь 2019 оноос хойш ISO 9001:2015 чанарын менежментийн тогтолцоо, ISO 14001:2015 байгаль орчны менежментийн, ISO 45001:2018 хөдөлмөрийн аюулгүй байдал, эрүүл ахуйн менежментийн тогтолцооны стандартыг үйл ажиллагаандаа амжилттай хэрэгжүүлжээ.
2026-03-02
Худал мэдээлэл түгээсэн хэмээн М.Адилсайханыг ажлаас нь чөлөөлөв
УНТЭ-ийн удирдлага удаа дараа солигдсоноос өдөр тутмын эмчилгээний эм тариа, багаж хэрэгсэл тасалдаж байгаа талаар тус эмнэлгийн Эмнэл зүй эрхэлсэн дэд захирал М.Адилсайхан тэргүүтэй эмч, мэргэжилтнүүд өнгөрсөн пүрэв гарагт хэвлэлийн хурал хийсэн юм.
2026-03-02
Сарны хиртэлт таван цаг 38 минутын турш үргэлжлэх нь
2026 оны одон орны хуанлийн хамгийн сонирхолтой үзэгдлүүдийн нэг болох сарны бүтэн хиртэлт маргааш тохионо. Энэхүү байгалийн ховор үзэгдэл энэ онд ганцхан удаа тохиох бөгөөд нийт таван цаг 38 минутын турш үргэлжлэх аж. Тэнгэрийн эрхэс дэлхийн сүүдэрт бүрэн далдлагдах буюу хиртэлтийн оргил үе нь 58 минут 19 секунд байх юм.
2026-03-02
Рэнчинлхүмбэ сумын сургуулийн барилгыг АХБ-ны санхүүжилтээр барьж дуусгах нь
Улсын хэмжээнд галлагаатай хоёр сургууль байдаг нь Хөвсгөл аймгийнх аж. Тус аймгийн Рэнчинлхүмбэ сумын сургууль барих санхүүжилтийг төсвөөс бүрэн олгосон гүйцэтгэгч компани барилгын ажлыг дуусгаагүй юм. Энэ талаар Боловсролын сайд П.Наранбаярыг тус аймагт ажиллах үеэр Засаг дарга Л.Төмөрбаатар танилцуулав.
2026-03-02
Элчин сайд нарт Итгэмжлэх жуух бичиг гардууллаа
Монгол Улсаас ОХУ, АНЭУ-д суух Элчин сайд Д.Даваа, А.Ананд нарт Ерөнхийлөгч У.Хүрэлсүх Итгэмжлэх жуух бичиг гардуулав. Тэрбээр Элчин сайд нар ёс зүйтэй, сахилга, хариуцлагатай байж, үндэсний язгуур эрх ашгийг ямагт дээдлэх, суугаа болон тухайн бүс нутгийн орнуудтай харилцаа, хамтын ажиллагааг гүнзгийрүүлэн хөгжүүлэх, хөрөнгө оруулалт татах, эх хэл, түүх, соёл, зан заншил, уламжлалаа өвлүүлэх, түгээн дэлгэрүүлэх, эх орноо сурталчлан таниулах зэрэгт анхаарч ажиллахыг үүрэг болгосон байна.
2026-03-02
