Өнөөдөр гадаа 28 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 204 дахь өдөр бөгөөд он дуусахад 162 хоног үлдлээ.
- Цаг агаар өдөртөө 28 хэмийн дулаан бол шөнөдөө 13 градус дулаан байх нь ээ.
- Билгийн тооллын 16, Булаагч одтой одтой, улаагчин гахай өдөр. Өдрийн наран мандах, жаргах цаг нь 5:17-20:41. Тухайн өдөр хонь, туулай жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, нялхсын хурим хийх, сүм дуганыг сэргээх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, гөлөг тэжээх, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй. Их халуун болох улирал (16ц 35м) эхлэнэ.
- Валют арилжааны төвд ам.долларын авах ханш 3387.00 төгрөг, зарах нь 3395.00 төгрөг байна. Харин рублийн авах ханш 38.10, зарах ханш 38.40, юанийн авах ханш 467.00, зарах ханш 468.80, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
- 09.00 цагт: Сүхбаатар дүүргийн шүүхэд: сэтгүүлч Н.Өнөрцэцэгийн шүүх хурал хоёр дахь өдрөө болно.
- 11.00 цагт: ҮСХ-ны байранд: Монгол Улсын нийгэм, эдийн засгийн 2024 оны эхний хагас жилийн үзүүлэлтүүдийг танилцуулах хэвлэлийн хурал болно.
-Тарваган тахлаас урьдчилан сэргийлэх вакцинжуулалт 8-р сарын 1 хүртэл үргэлжилж байна.
Энэ өдөр дэлхийн түүхэнд:
- 1981 онд Бразилийн алдарт хөлбөмбөгийн тамирчин Nenк мэндэлжээ.
- Америкийн нисгэгч Joseph A. Walker буюу Joe Walker Хойд Америкийн Х-15 сансрын хөлгийг хөлөглөн, дэлхийн хамгийн хурдан сансарт ниссэн анхны нисгэгч болон түүхэнд үлджээ.
- 1976 онд Балба улсын үндэсний цэцэрлэгт хүрээлэн болох "Sagarmatha" үндэсний цэцэрлэгт хүрээлэн нээгджээ.
- 1900 онд Парисын метроны эхний зам нээгдэж байжээ.
