Өнөөдөр гадаа 19 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 3-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 246 дахь өдөр бөгөөд он дуусахад 119 хоног үлдлээ.
- Цаг агаар өдөртөө 19 хэмийн дулаан бол шөнөдөө 7 градус дулаан байх нь ээ.
- Билгийн тооллын давхарласан 30, ангараг гараг. Бага морь одтой, цагаан морь өдөр. Өдрийн наран мандах, жаргах цаг нь 6:13-19:30. Тухайн өдөр бар, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, гарагийг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй
- Валют арилжааны төвд ам.долларын авах ханш 3391.00 төгрөг, зарах нь 3397.00 төгрөг байна. Харин рублийн авах ханш 37.10, зарах ханш 37.50, юанийн авах ханш 478.00, зарах ханш 480.00, вонийн авах ханш 2.63, зарах ханш 2.56 төгрөг байна.
Өнөөдөр болох онцлох үйл явдлууд:
- 11:30 цагт: МУГЖ Ж.Эрдэнэчимэгийн санаачилгаар энэ сарын 7,8-нд “Улаанбаатар театрт” АНУ, Япон, Европын олон орноос мэргэжлийн уран нугараачдын УЯН тоглолт болох талаар “Зууны мэдээ” сонины “Үндэсний мэдээллийн төв”-д мэдээлэл хийнэ.
- 19:30 цагт: А.В.Александровын нэрэмжит ОХУ-ын Зэвсэгт хүчний Эрдмийн чуулгын тоглолт Д.Сүхбаатарын талбайд болно
- 21:00 цагт: Төв талбайд Орос, Монголын уран бүтээлчдийн үдшийн цэнгүүн болно.
Энэ өдөр дэлхийн түүхэнд:
- Жил бүрийн энэ өдөр ОХУ-д дэлхийн II дайн эцэс болсон өдрийг тэмдэглэдэг.
- 2017 онд БНАСАУ зургаа дахь удаагийн цөмийн туршилт хийсэн нь тус улсын түүхэн дэх хамгийн хүчтэй туршилт болсон юм.
- 1971 онд Катар тусгаар тогтносон улс болсноо дэлхий нийтэд зарлажээ.
- 2016 онд БНХАУ, АНУ "Парисын цаг уурын гэрээ"-г албан ёсоор соёрхон баталжээ.
- Өнөөдөр Австрали улсад төрийн далбааны өдөр тохиож байна.
