Өнөөдөр гадаа +22 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 254 дахь өдөр бөгөөд он дуусахад 111 хоног үлдлээ.
- Цаг агаар өдөртөө 22 хэмийн дулаан бол шөнөдөө 8 градус хүйтэн байх нь ээ.
- Билгийн тооллын 8, буд. Эрхтэний тэнгэрт одтой, шар бар өдөр. Өдрийн наран мандах, жаргах цаг нь 6:24-19:13. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал нас уртадна. Модон хохимой өдөр.
- Валют арилжааны төвд ам.долларын авах ханш 3385.00 төгрөг, зарах нь 3390.00 төгрөг байна. Харин рублийн авах ханш 37.20, зарах ханш 37.60, юанийн авах ханш 477.00, зарах ханш 478.50, вонийн авах ханш 2.54, зарах ханш 2.57 төгрөг байна.
Өнөөдөр болох онцлох үйл явдлууд:
- 8.30-11.30 цагт: "Төрөөс мөнгөний бодлогын талаар 2025 онд баримтлах Үндсэн чиглэлийн төсөл"-ийг төр засгийн төлөөлөл, эдийн засагчид, олон улсын байгууллага, судлаачдад танилцуулах хэлэлцүүлэг Монголбанкны Г байрны хурлын танхимд болно.
- 11.40 цагт: "Нүүдлээр нутаглах ухаан" уламжлалт нүүдлийн 10 хэв шинжийг харуулсан, судалгаа, дэлгэрэнгүй тайлбартайгаар монгол, англи хэлээр хэвлэсэн гэрэл зургийн цомгийг Интэрномд нээнэ.
- 09.00 цагт Засгийн газрын ээлжит хуралдаан Төрийн ордонд болно.
Энэ өдөр дэлхийн түүхэнд:
- 2001 онд АНУ-ын худалдааны ихэр цамхагийг нураасан халдлага болов. Онгоц барьцаалагчид Нью-Йорк дахь Дэлхийн Худалдааны Төвийн барилгыг нурааж, Виржини муж улсын Арлингтон дахь Пентагоны барилгад гэмтэл учруулсан. Мөн барьцаалагдсан нэг онгоц Пеннсилвани муж улсын Шанксвиллд осолджээ.
- Өнөөдөр Аргентин улсад Багш нарын баярын өдөр тохиож байна.
- 1987 оны энэ өдөр Италийн алдарт хөлбөмбөгчин Robert Acquafresca мэндэлжээ.
- Мөн 1977 оны энэ өдөр "Ludacris" хэмээх нэрээрээ алдаршсан Америкийн реппер Christopher Brian "Chris" Bridges мэндэлжээ.
- 1997 онд НАСА-гийн хөөргөсөн "Mars Global Surveyor" хэмээх робот сансрын хөлөг Ангараг гаригт хүрчээ.
