Урам зориг, баяр бахдалаар дүүрэн өдрүүдийг хуваалцаж, тамирчин хүний мөрөөдөл биелэх мөчийг дэргэдээс нь үзэх боломжийг ХААН Банк харилцагчдадаа олгохоор VISA-тай хамтарсан картын урамшуулалт аяныг 2024.04.01-2024.05.31-ний өдрийг дуустал зарласан билээ. Энэ хугацаанд ХААН Банкны болон гадаадын ПОС төхөөрөмжид VISA картаа уншуулсан болон олон улсын вэбсайтаас онлайн худалдан авалт хийсэн 300,000₮ тутамд нэг тохирлын эрх олгон Парисын олимп үзэх эрхээр 4 харилцагчийг урамшуулахаас эхний хоёр харилцагчийг 2024.05.01-ний өдөр ХААН Банкны албан ёсны фэйсбүүк хуудсаар шууд дамжуулан тодруулсан юм.
2024 оны 6-р сарын 5-ны өдөр БНХАУ-ын “Ant International” группийн харьяа олон улсын цахим төлбөр, дижитал технологийн шийдэл нэвтрүүлэгч Alipay+ Монголын тэргүүлэгч банк санхүүгийн байгууллага ХААН Банктай хамтран ажиллах гэрээ байгууллаа. Энэхүү хамтын ажиллагааны хүрээнд дэлхийн 8 орон, бүс нутагт түгээмэл хэрэглэгддэг 12 төрлийн цахим хэтэвч, супер аппликэйшнээр Монгол Улсад ХААН Банкны ПОС төхөөрөмж дээр төлбөр тооцоогоо хийх таатай боломж бүрдэж байна.
Олон жил уламжлал болгон хэрэгжүүлж ирсэн тус хөтөлбөрийг Улаанбаатар хотоос алслагдсан дүүрэг болон орон нутгаас шинээр оюутан болж буй төгсөх ангийн сурагчдын дунд зарладаг байсан бол энэ жил тэтгэлэгт хамрагдах оюутны тоог нэмж, цар хүрээг нь өргөжүүлэн, шинэ оюутнуудаас гадна өмнө нь ХААН Банкны тэтгэлэг хүртсэн ахлах курсийн оюутнууддаа дахин нэг боломж олгон тэтгэлэгт хамруулж буйгаараа онцлог.
