ЭХЭМҮТ-ийнхөн жирэмсний үеийн скрининг шинжилгээ хийх олон улсын гэрчилгээ гардан авчээ 

Эх, хүүхдийн эрүүл мэндийн үндэсний төв (ЭХЭМҮТ)-ийнхөн НИПТ буюу инвазив бус (жирэм­сэн эхийн биед зүү, мэс ажиллавар хийж, ургаас дээж авахгүй) скрининг шинжилгээг албан ёсоор нэвтрүүллээ. Өөрөөр хэлбэл, эл шинжилгээ нь жирэмсэн эмэгтэйн цус­наас ургийн ДНХ-ийн хэсгийг шинжилж, зарим хромосомын өөрч­лөлтийн эрс­дэлийг то­дор­хойлдог байна. Ингэснээр урагт зонхилон тохиолд­дог 21, 18, 13 дугаар хромосомын илүүдэл бо­лон бэлгийн Х, Ү хромосомын өөрч­лөл­тийг эрт үед нь илрүүлэх юм. Тус шин­жилгээ нь эх, урагт эрсдэл багатай, инвазив бус арга бөгөөд дээрх хромосомын өөрчлөлтийг ил­рүү­лэхэд 99 хүртэлх хувийн мэд­рэг чанартай аж. 

Ингэснээр жирэмсний хяналтын явцад ургийн гажгийг эрт үнэлж, шаардлагатай то­хиол­долд нэ­­мэлт оношилгоо, генетикийн зөв­лөгөө бо­лон цааш­дын эмнэл зүйн тусламж, үйл­чил­гээг цаг алдал­гүй төлөвлөх боломж нэмэгд­сэнийг ЭХЭМҮТийн эмч нар онцолсон. Тод­руулбал, ур­гийн зарим хромосомын өөрч­лөлтийг эхийн цуснаас эрт илрүү­лэх боломжийг до­тоод­­­доо ийн бүрдүүлжээ. Тус эм­нэл­гийн Анагаахын удам зүйн лабора­торийнхон ДНХ-ийн дараалал тог­­­тоох технологид суурилсан уг шинжилгээг хийх сур­галтад хамрагдаж, дөр­вөн удаагийн га­даад хя­нал­тын үнэлгээг амжилттай давснаар дээрх шин­­­жилгээг хийх олон улсын гэрчилгээгээ өчиг­дөр гардан авчээ. Таш­рамд, шинжилгээгээр өндөр эрс­дэлтэй гарсан тохиолдолд эмчийн зөв­лөгөө­ний да­гуу баталгаажуулах оношилгоог заа­вал хийл­гэх гэнэ.

Ч.Цэлмэг