“Баффало” түүхэн хар цувралаа зогсоож чадах уу
Үндэсний хоккейн лиг (NHL)-ийн “Баффало сэйбрс” багийн үүх түүх тун базаахгүй дээд амжилттай холбогддог. Тус баг 1970 онд NHL-д элссэн бөгөөд Стэнлийн цомд түрүүлж үзээгүй хамгийн олон жил болсон хоёр багийн нэг юм. Түүнчлэн плей-оффт оролцолгүй 14 жил болж байгаа нь тус лигийн түүхэн дэх хамгийн олиггүй амжилт төдийгүй Хойд Америкийн спортын дөрвөн том лиг дундаа ч нэгдүгээрт орох (бейсболын “Нью-Йорк Жетс” багийн хамтаар) “хар” амжилт билээ.
2026-01-21
“Монголоос Барокко ертөнц рүү” үзэсгэлэнг Ромд дэлгэлээ
Өндөр гэгээн Занабазарын мэлмий гийсний 390 жилийн ойн хүрээнд Бүгд Найрамдах Итали Улсын Ром хотын Боргезе галерейд “Монголоос Барокко ертөнц рүү” үзэсгэлэнг олны хүртээл болголоо. Эл үзэсгэлэнд манай улсын түүх, соёлын хосгүй үнэт дурсгалт зүйлийн жагсаалтад бүртгэлтэй “Ногоон дарь эх” болон “Өндөр гэгээн Занабазар” хүрэл цутгамал дэлгэснээрээ онцлогтой бөгөөд ирэх сарын 22-ныг хүртэл толилуулах аж.
2026-01-21
Н.Жоковичийн дээд амжилтын буухиа үргэлжилсээр
Австралийн нээлттэй тэмцээний хоёрдугаар тойрогт Н.Жокович дэлхийн чансааны 71 дэх теннисчин П.Мартинесийг 6:3, 6:2, 6:2-ын харьцаатай буулгаж авлаа. Ийнхүү серб теннисчин (38 нас) Мельбурнд 100 дахь ялалтаа байгуулж байна. Тэрбээр өмнө нь “Ролан Гаррос” (101), “Уимблдон” (102)-д 100 давсан ялалтын эзэн болоод байсан юм. Эл амжилтынхаа ачаар серб тамирчин хоёр “Их дуулга”-д 100 гаруй ялалт байгуулсан Р.Федерерийн амжилтыг эвдлээ. Хэрэв тэрбээр дахин гурван ялалт байгуулбал Австралийн нээлттэй тэмцээнд хамгийн олон удаа өрсөлдөгчөө ялсан (102) амжилтын эзэн болж түүхэнд нэрээ бичүүлэх юм.
2026-01-21
Шар хад орчимд агаарын бохирдол маш их, аюултай түвшинд байна
Ташрамд, Улаанбаатар хотын агаарын чанарын өнгөрсөн долоо хоногийн мэдээгээр Баянхошуу, Налайх, Хайлааст, Толгойт орчимд хүхэрлэг хий, азотын давхар исэл, PM10, PM2.5 тоосонцор, нүүрстөрөгчийн дутуу исэл хүлцэх хэмжээнээс 1.5-2.7 дахин их гарчээ.
2026-01-21
Филиппин улс байгалийн хийн нээлт хийв
110 сая хүн амтай, Зүүн өмнөд Азийн орнуудаас эрчим хүчний үйлдвэрлэл нь нүүрснээс хамгийн их хамаарал бүхий системтэй Филиппин улс хэрэгцээгээ хангахын тулд байгалийн хий болон сэргээгдэх эрчим хүчний хэрэглээг нэмэгдүүлэхийг зорьж байна. 2023 онд Маркос Малампая байгалийн хийн олборлолтын гэрээг 15 жилээр сунгасан юм. Энэхүү шинэ нээлтээс өмнө тус ордын нөөц 2027 онд шавхагдана гэж тооцоолж байжээ.
2026-01-21
НӨАТ: Супер азтан тодорлоо
Нэмэгдсэн Өртгийн Албан Татвар(НӨАТ)-ын сугалааны тохирол өнөөдөр явагдлаа. Энэ удаагийн тохиролд 2025 оны арванхоёрдугаар сарын 1-31-ний хооронд худалдан авалт хийж, цахим системд бүртгүүлсэн 52,814,573 ширхэг баримтыг оролцуулсан юм.
2026-01-21
ЭХЯ: Цахилгааны хязгаарлалтыг үргэлжлүүлэхээр боллоо
“ДЦС-4”-ийн наймдугаар зуухны халах гадаргууд гэмтэл гарч зогссоны улмаас цахилгааныг хязгаарлаж буй. Тог хязгаарлаж байгаа талаар Эрчим хүчний яамнаас дараах мэдэгдэлийг гаргасан байна. "Бөөрөлжүүтийн цахилгаан станцын зуух руу орж байгаа нүүрс 2026 оны нэгдүгээр сарын 20-ны 18 цагт хөлдөж, бункер бөглөрснөөс ачаалал 120 МВт-аар буурч, хязгаарлалтын хэмжээ нэмэгдсэн байна. Иймд цахилгааны хязгаарлалтыг тодорхой хэмжээгээр үргэлжлүүлэхээр болсон" талаар ЭХЯ мэдэгдлээ.
2026-01-21
Нэр дэвшигчийн болон хяналтын хоёр сонсгол зохион байгуулав
Эдийн засгийн байнгын хороо намрын чуулганаар хийсэн ажлын тайлангаа гаргажээ. Тус байнгын хороо энэ хугацаанд 51 удаа хуралдаж, эрхлэх асуудлынхаа хүрээнд хамаарах 128 асуудлыг хэлэлцэн шийдвэрлэсэн байна. Тухайлбал, Стратегийн ач холбогдол бүхий бүтээгдэхүүний хангамж, нийлүүлэлтийг дэмжих тухай хуулийн төслийг хэлэлцэн, нэгдсэн хуралдаанаар батлуулжээ.
2026-01-21
Хүүхдүүд даралт, зүрх, судасны эм санамсаргүй ууж, хордох нь нэмэгджээ
Сүүлийн жилүүдэд хүүхдүүд, тэр дундаа бага насныхан янз бүрийн эм, аминдэм санамсаргүй их хэмжээгээр ууж, хордох нь нэмэгдсэнийг Эх, хүүхдийн эрүүл мэндийн үндэсний төв (ЭХЭМҮТ)-өөс сэрэмжлүүллээ. Тус төвийнхөн Хоол боловсруулах эрхтний эмгэг судлалын тасагт 2020-2025 онд цочмог хордлогын улмаас хэвтэн эмчлүүлсэн тохиолдлуудад дүн шинжилгээ хийхэд 67 хувь нь янз бүрийн эмд хордсон байжээ. Харин үлдсэн хувийг угаарын хий, химийн бодисын хордлого эзэлсэн байна. Насаар нь авч үзвэл, нийт хэвтэн эмчлүүлэгчийн 55.8 хувь нь тав хүртэлх насныхан, үүний 34.1 хувь нь 1-2 ойтой нялхас гэнэ. Эмд хордсон шалтгааны дийлэх хувь нь эцэг, эх, асран хамгаалагчийн анхаарал болгоомжгүйтэй шууд холбоотой аж.
2026-01-21
“Indra” компанитай агаарын тээврийн салбарт хамтран ажиллана
Манай улстай 2009 оноос эхлэн хамтран ажиллаж, Баянхонгор, Дорноговь, Хэнтий аймгийн сумдад нислэгийн удирдлагын систем нийлүүлсэн Испанид төвтэй “Indra” компанийн төлөөллийг Зам, тээврийн сайд болон албаныхан өчигдөр хүлээн авч уулзжээ. Талууд цаашид Монгол Улсын агаарын тээвэр, иргэний нисэхийн салбар дахь хамтын ажиллагаагаа өргөжүүлж, агаарын хөдөлгөөний удирдлагын болон навигацийн тоног төхөөрөмжийг шинэчлэх төсөл арга хэмжээг хэрэгжүүлэх талаар санал солилцсон байна.
2026-01-21
“Монголтой ойролцоо ОХУ-ын нутагт шатахууны нөөц сав бэлтгэнэ”
Аж үйлдвэр, эрдэс баялгийн сайд Г.Дамдинням ОХУ-ын Эрчим хүчний сайд болон дэд сайдтай Москвад уулзаж, газрын тосны бүтээгдэхүүний тогтвортой нийлүүлэлтэд тулгарч буй бэрхшээлийг шийдвэрлэх талаар санал солилцжээ. Энэ үеэр шатахуун нийлүүлэлтэд гарч байсан хүндрэлийг давтахгүй байх, 2026 онд хангамжийг хэрхэн тогтвортой хангах талаар хэлэлцэж, цаашдын төлөвлөлт, уялдаа холбоог сайжруулах зорилгоор талууд онлайнаар тогтмол харилцахаар тохирчээ.
2026-01-21
"ДЦС" 4-д зуухны халаах гадаргууд гарсан гэмтлийг 24 цагт засварлана гэв
Бэлтгэл тоноглолгүй, бүрэн хүчин чадлаараа ажиллаж байсан дулааны дөрөвдүгээр цахилгаан станцад гэмтэл гарч, эрчим хүчний хязгаарлалт хийжээ. Цахилгаан станцын зуухны халаах гадаргууд гэмтэл гарч, цахилгаан эрчим хүчний дутагдалд орж, тодорхой байршлуудад цахилгаан тасарсан байна. Тоноглолын гэмтлийг 24 цагийн дотор засварлахаар ажиллаж байна гэдгийг албаныхан мэдээллээ.
2026-01-21
“Эх оронч худалдан авалт-үндэсний үйлдвэрлэл-2026” үзэсгэлэнг зориорой
“Эх оронч худалдан авалт-үндэсний үйлдвэрлэл-2026” үзэсгэлэнг МҮХАҮТ-д энэ сарын 23-нд зохион байгуулна. Эл арга хэмжээ нь дотоодын үйлдвэрлэгчдийн бараа бүтээгдэхүүний нэр, төрөл, тоо, хэмжээг нэмэгдүүлэх, үйлдвэр эрхлэгчдийг төрийн худалдан авалтаар дэмжих зорилготой гэнэ.
2026-01-20
“Тахианы мах, ганц ширхэг брокколи идэхэд хангалттай” хэмээсэн нь шүүмжлэл дагууллаа
АНУ-ын Хөдөө аж ахуйн сайд Брүүк Роллинс “News nation” сувагт өгсөн ярилцлагынхаа үеэр иргэддээ хандан нэгэн хоолны цэс санал болгосон нь шүүмжлэл дагуулжээ. Тодруулбал, “Ганц тахианы мах, брокколи, эрдэнэ шишийн бингээс бүрдсэн хоолны өртөг гурван ам.доллар. Энэ нь дундаж орлоготой америк хүнд тохиромжтой төдийгүй мөнгөө хэмнэх арга байж болох юм” хэмээсэн аж.
2026-01-20
Хүүхдүүдийн таргалалтыг өдөөдөг хүнс сурталчлахыг хоригложээ
Хүүхэд, багачууд, өсвөр насныхны таргалалт ноцтой асуудал болж, үүнээс үүдэлтэйгээр эрүүл мэндийн сангийн ачаалал нэмэгдэж байгааг Британийн эрх баригчдын түвшинд хэлэлцэх болсон нь нөхцөл байдал ямар болсныг илтгэнэ. Бага сургуулийн сурагчдын 10 хувь нь илүүдэл жинтэй гэсэн судалгаа байна. Энэ тоо ерөнхий боловсролын ахлах ангийнхны хувьд 35 болтлоо өсөж байгаа нь хоол хүнсний зохисгүй хэрэглээтэй шууд холбоотой.
2026-01-20
