Сайжруулсан хатуу түлшний стандартыг шинэчлэн батлууллаа
Монгол Улсад мөрдөгдөж буй сайжруулсан хатуу түлшний стандарт шинэчлэн батлагдаж, “MNS5679:2025” стандартыг мөрдөж эхэллээ. Мидлингэн шахмал түлшийг хэрэглээнд нэвтрүүлсний дараа “Сайжруулсан хатуу түлшний техникийн шаардлага” MNS 5679:2022 стандартыг батлуулж, мөрдөж байсан. Энэхүү стандартыг шинэчлэн баталж, техникийн шаардлагыг илүү нарийвчилж, чангатган, олон улсын түвшинд хүргэлээ.
2025-10-06
Уур амьсгалын өөрчлөлтийг гэрэл зургийн хальсанд буулгаарай
Үндэсний газар зүйн нийгэмлэгээс Монгол дахь гэрэл зургийн кемп арга хэмжээг ирэх сарын 10-14-ний хооронд Улаанбаатар хотод зохион байгуулахаар болжээ. Эрүүл мэндийн яам, ДЭМБ-ын Номхон далайн баруун бүс дэх Байгаль орчин, эрүүл мэндийн асуудал хариуцсан Ази, Номхон далайн төв, тус байгууллагын Монгол Улс дахь Суурин төлөөлөгчийн газар энэхүү арга хэмжээг дэмжиж оролцох юм байна.
2025-10-06
З.Санждорж лам анхан шатны шүүхээс оноосон ял шийтгэлийг эдэлнэ
“Монголын бурхан шашинтны шинэ төв” хийдийн хамба лам З.Санждорж, болон түүнтэй хамт ял шийтгүүлсэн Д.Бямбажав нарт холбогдох хэргийг Улсын дээд шүү¬ хийн Эрүүгийн хэргийн танхимын шүүх бүрэлдэхүүн хэлэлцэхээс татгалзлаа. Тэдний дөрвөн өмгөөлөгчийн Дээд шүүхэд хандан гаргасан гомдол нь Эрүүгийн хэрэг хянан шийдвэрлэх тухай хуулийн 40.1 дэх хэсэгт заасан хууль хэрэглээний зөрүүг арилгах, энэ хуулийг ноцтой зөрчсөн, Улсын дээд шүүхийн тогтоол, тайлбараас өөрөөр хэрэглэсэн, эрх зүйн шинэ ойлголт, эсхүл хууль хэрэглээг тогтооход зарчмын хувьд нийтлэг ач холбогдолтой биш гэж шүүх бүрэлдэхүүн дүгнэсэн учраас ийн шийдвэрлэжээ.
2025-10-06
Эрт илрүүлэгт 18-30 насныхны 10.6 хувь нь хамрагджээ
Залуучуудын эрүүл мэндийн асуудал уулзалт, хэлэлцүүлгийг Эрүүл мэндийн яаманд өнгөрсөн баасан гарагт зохион байгуулав. Залуучуудын дунд тулгамдаж буй эрүүл мэндийн асуудлыг тодорхойлж, бодлогын баримт бичиг боловсруулах хүрээнд хэлэлцүүлгийг өрнүүлжээ. Тус яамны Нийгмийн эрүүл мэндийн бодлогын хэрэгжилтийн газрын дарга Б.Цэцэгсайхан “Улсын хэмжээнд зохион байгуулсан эрт илрүүлэг, урьдчилан сэргийлэх үзлэгт 18-30 насны залуучуудын 10.6 хувь нь хамрагдсан нь хангалтгүй үзүүлэлт. Эрт илрүүлгээр 78 мянган өвчлөл, хорт хавдрын 131 сэжигтэй тохиолдол бүртгэгдсэн.
2025-10-06
Томуугаар өвчлөгсдийн 78.3 хувийг 15 хүртэлх насныхан эзэлж байна
Улирлын томуу идэвхжлийн түвшинд байгааг өнгөрсөн баасан гарагт Эрүүл мэндийн яамнаас мэдээлэв. Тодруулбал, томуугийн дэгдэлт нэг аймагт алаг цоог, есөн аймагт идэвхжилтэй, 11 аймагт улирал хоорондын түвшинд байгаа аж. Өөрөөр хэлбэл, амбулаториор тусламж, үйлчилгээ авсан хүмүүсийн 4.6 хувь нь томуу, томуу төст өвчтэй, эмнэлэгт хэвтэн эмчлүүлэгсдийн 17.7 хувь нь амьсгалын замын цочмог хүнд халдварын шалтгаантай байна. Томуу, томуу төст өвчнөөр өвчлөгсдийн 78.3 хувийг 15, үүнээс 49.1 хувийг тав хүртэлх насныхан эзэлж буй. Мөн амьсгалын замын цочмог хүнд халдварын улмаас эмнэлэгт хэвтэгсдийн 75.1 хувь нь 15, үүнээс 53.5 хувь нь тав хүртэлх насных.
2025-10-06
Тэгш хамруулан сургагч цэцэрлэг, сургуулийг тодруулав
Боловсролын ерөнхий хууль, Сургуулийн өмнөх болон ерөнхий боловсролын тухай, Хөгжлийн бэрхшээлтэй хүний эрхийн тухай хуульд тусгай хэрэгцээт хүүхдийг боловсролд тэгш хамруулах тухай заасан. Үүний хүрээнд үр дүнтэй ажилласан байгууллагуудыг нийслэлийн Боловсролын газраас тодруулжээ. Өөрөөр хэлбэл, хөгжлийн ялгаатай хэрэгцээтэй суралцагчдад боловсролын үйлчилгээг чанартай, хүртээмжтэй үзүүлж, сурч боловсрох эрхээ эдлэхэд тулгарч буй саад бэрхшээлийг арилгахад хамтран оролцож, үр дүнд хүрсэн байгууллагуудыг шалгаруулсан байна.
2025-10-06
Нийслэлд 9 хэм дулаан байна
6-ны өдөр Булган, Эрдэнэт, Дархан-Уул, Сэлэнгэ аймгийн нутгаар бороо, нойтон цас, цас орж, цасан шуурга шуурч, ихэнх нутгаар салхи шуургатай байхыг анхааруулж байна.
2025-10-06
ШИЛМЭЛ МАЛЫН ҮЗЭСГЭЛЭН, ДУУДЛАГА ХУДАЛДААГ СОНИРХООРОЙ
Бэлчээрийн мал аж ахуйн өв соёлыг хойч үедээ өвлүүлэн үлдээх, түгээн дэлгэрүүлэх, биотехнологийн ололттой хослуулан төрөлжүүлэн үржүүлэх, үйлдвэрлэлийн бүтээмжийг нэмэгдүүлэх, үр ашгийг сайжруулах зорилгоор “Шилмэл мал-2025” үзэсгэлэн, дуудлагахудалдааг зохион байгуулдаг уламжлалтай. Өнөө жилийнх энэ амралтын өдрүүдэд буюу 3, 4-нд Дархан-Уул аймагт болох нь.
2025-10-03
Нийтийн тээврийн шалгагч нар сургалтад хамрагдлаа
Улаанбаатар хотын нийтийн тээврийн үйлчилгээнд ажиллаж буй шалгагч нарыг нийтийн тээврийн салбарын техник, технологи, парк шинэчлэлт, салбарт мөрдөгддөг хууль, дүрэм, журам, стандарт, үйлчилгээний ажилтны зан харилцаа, зорилтот бүлгийн иргэдэд хэрхэн үйлчлэх чиглэлээр мэдлэг, мэдээлэл өгч чадавхжуулж, үйлчилгээний чанар, соёлыг сайжруулах сургалтыг өнөөдөр зохион байгууллаа.
2025-10-03
“Mongolian gallery” дэлгүүрийг Канадад нээлээ
Монголын жижиг, дунд үйлдвэрлэл эрхлэгчдийн ноос, ноолууран бүтээгдэхүүнийг гадаадын худалдан авагчдад таниулах зорилготой “Mongolian gallery” дэлгүүрийг Канадын Торонто хотноо нээжээ. Бизнес эрхлэгч А.Бадамцэцэг, Д.Биндэръяанарын санаачилгаар нээсэн эл дэлгүүр нь үндэсний шилдэг үйлдвэрлэгчдийн бүтээгдэхүүнийг Канадын зах зээлд шууд нийлүүлэх гүүр болж буйгаарааонцлогтой. Тус дэлгүүрт “Ханбогд”, “Бүүвээ”, “Maral design”, “Жинс Мөрөн”, “Warm” тэргүүтэй үндэсний үйлдвэрлэгчийн бараа, бүтээгдэхүүнийг худалдаж буй гэнэ.
2025-10-03
Гамшигт үзэгдлийн улмаас эдийн засагт учруулсан хохирол 47 хувиар нэмэгдэв
Уур амьсгалын өөрчлөлтөөс үүдэлтэй байгалийн гамшигт үзэгдлийн давтамж дэлхийн дахинаанэмэгдэж буй. Манай орны хувьд ч сүүлийн 10 жилд (2015-2024) тохиолдсон гамшигт үзэгдэл өмнөх 10 жилийнхээс 26 хувиар нэмэгджээ. Эл хугацаанд эдийн засагт учруулсан хор хохирол 47 хувиар өссөн байна. Иймд Олон улсын шилжилт, хөдөлгөөний байгууллагаас “Уур амьсгалын өөрчлөлтөөс үүдэлтэй шилжилт хөдөлгөөнийг зохицуулах нь” төслийг 2024-2026 оны хооронд хэрэгжүүлж, Завхан, Сүхбаатар, Төв, Хөвсгөл аймагт ажиллаж буй юм.
2025-10-03
54 жилийн дараа барианд орсон нь
Олимпын холын зайн (марафон) гүйлтийнодоогийн дээд амжилтыг2024 оны Парисын тоглолтоор тогтоосон Этиопын тамирчин Тамират Тола эзэмшиж байдаг юм. Тэрбээр 45 километр 195 метр зайг хоёр цаг зургаан минут 26 секундэд туулжээ. Гэлээ ч бараг 55 жил болж байж барианд орсон Японы гүйгч Сизо Канакүриг хөнгөн атлетик сонирхогчид одоо хэр нь мартдаггүй. 1936 онд Берлинд болсон олимпын тоглолтод Японы тугийн дор өрсөлдсөн Сон Ги Чоныг ялсан гэж үзсэн аж. Энэ хүн солонгос үндэстэн ч тухайн үед эх орон нь Японы колони байсан болохоор түүний нэрээр тэмцээнд орсондоо ихэд ичиж байсан гэдэг.
2025-10-03
