Алтны уурхайн эзэмшигчдээс хахууль авсан хэмээн ЭХЯ-ны албан тушаалтнуудыг албадан саатуулав
“Эрчим хүчний үндэсний төв” ТӨХХКийн захирал Д.Бямбасүрэн, “Баруун бүсийн эрчим хүчний систем” ТӨХК-ийн Баян-Өлгий аймаг дахь салбарын дарга М.Кадирбек нарыг АТГ-ынхан шалгаж эхэлсэн талаар бид өмнөх дугаартаа мэдээлсэн. АТГ-аас мэдээлж буйгаар дээрх хүмүүст 2023 оны зургаадугаар сард хэрэг бүртгэлтийн хэрэг нээн шалгаж эхэлсэн бөгөөд холбогдогчдыг албан тушаалаа урвуулан ашиглаж бусдад давуу байдал бий болгон хахууль авсан байж болзошгүй гэх үндэслэлээр яллагдагчаар татаад буй аж.
2026-01-26
Монгол банхар Ази тивийн аварга болжээ
Филиппин улсад зохион байгуулагдаж буй Ази тивийн аварга шалгаруулах нохойн тэмцээнд манай монгол банхар түрүүлжээ. Тодруулбал, эхний зургаан тэмцээнээс 1, 2-р байр, группийн тэмцээнд аварга, мөн Филиппин улсын аварга болжээ. Түүнийг дахиад дөрвөн том тэмцээн хүлээж байгаа аж. Монгол банхар бусад 40 үүлдрийн 600 нохойтой өрсөлдөж байна. Энэ тэмцээн нь дотроо олон төрөлтэй бөгөөд нас, хүйс, ур чадварыг ангилан шалгаруулдаг байна.
2026-01-26
Ерөнхийлөгч, УИХ-ын дарга нар орон нутагт ажиллалаа
УИХ-ын дарга болон Ерөнхийлөгч нар өнгөрсөн амралтын өдрүүдээр орон нутагт ажиллажээ. Төрийн тэргүүн Дундговь аймгийн Мандалговь хотод ажиллаж, иргэд, малчидтай уулзан, Тэмээчдийн улсын V зөвлөгөөнд оролцсон байна. Тэрбээр уг зөвлөгөөнийг нээж үг хэлэхдээ мал маллах арга ухаан, мэдлэг, туршлагыг үеэс үед өвлөн, таван хошуу малынхаа ашиг шимийг арвижуулан өсгөж ирсэн малчдад, тэр дундаа тэмээчдэд ард түмнийхээ нэрийн өмнөөс талархал илэрхийлэв. 20 жилийн өмнө манай улс 254 мянган тэмээтэй байсан бол өдгөө тоо толгой нь хоёр дахин өсөж, 501 мянгад хүрсэн байна.
2026-01-26
Цахилгаан станцуудад гарсан доголдлыг засаж дуусжээ
Ерөнхий сайд Г.Занданшатар Давосын эдийн засгийн чуулганд оролцоод эх орондоо ирсэн даруйдаа буюу энэ сарын 24-ний өглөө цахилгаан станцуудад үүссэн нөхцөл байдалтай танилцсан байна. Тэрбээр юуны өмнө Төв аймгийн Баянжаргалан сумын нутагт байрлах Бөөрөлжүүтийн цахилгаан станцад ажиллажээ. Сүүлийн долоо хоногт хөрсөн дээр -48 хэм хүрч хүйтэрснээс станцын нүүрс дамжлагын бункер бөглөрч, хөлдсөнөөс доголдол гараад байсан юм.
2026-01-26
Эрт илрүүлгийг орон даяар эхлүүлэхээр бэлдэж байна гэв
Санхүүжилтгүйн улмаас зогсоосон эрт илрүүлэх үзлэгийг орон даяар дахин эхлүүлэхээр бэлдэж буй талаар Эрүүл мэндийн сайд Ж.Чинбүрэн өнгөрсөн баасан гарагт мэдээлэв. Тэрбээр “Урьдчилан сэргийлэх үзлэгийг энэ удаа илүү оновчтой буюу хүн амын нас, хүйс, тодорхой бүлэгт тулгуурлан явуулна. Тодруулбал, бүх нярайг скрининг шинжилгээнд хамруулах юм.
2026-01-26
Мөсөн сийлбэрчид “Домог” бүтээлээрээ мөнгөн цом гардлаа
Авьяаслаг, уран сийлбэрчид цас, мөсийг гар, мэлмий, ухааны ураар урлагийн өвөрмөц содон бүтээл болгодог нь олны сонирхлыг их татдаг. АНУ-д зохион байгуулсан “Дэлхийн цасан баримлын аварга шалгаруулах тэмцээн 2026” өндөрлөж, шилдгүүдээ тодруулжээ.
2026-01-25
“Apple” компани дэлхийн хамгийн үнэ цэнтэй 500 брэндийн жагсаалтыг тэргүүлэв
Дэлхийн хамгийн үнэ цэнтэй 500 брэндийн жагсаалтыг “Apple” компани хоёр жил дараалан тэргүүллээ. Тус компанийн үнэлгээ өнгөрсөн онд 574.5 тэрбум ам.доллар байсан бол энэ жил 607.6 тэрбумд хүрч өсжээ. Түүний араас 565.3 тэрбум ам.долларын үзүүлэлтээр “Microsoft” хоёрдугаарт эрэмбэлэгдсэн бол “Google” компани 433.1 тэрбум ам.доллароор гуравдугаар байрт жагссан байна. Харьцуулбал, “Microsoft” 2025 онд 461.1, “Google” 413 тэрбум ам.доллароор үнэлэгдэж байсан юм. Дэлхийн хамгийн үнэ цэнтэй брэндүүдийн эхний аравт “Facebook”, “Amazon”, “Nvidia”, “TikTok”, “Walmart” сүлжээ дэлгүүр, “Samsung” болон “State grid” зэрэг томоохон корпорац багтжээ.
2026-01-25
500 багшид хиймэл оюуны мэдлэг, чадвар эзэмшүүлнэ
“AI academy Asia”-аас санаачлан хэрэгжүүлдэг “Үндэсний хиймэл оюуны аян”-ы хүрээнд энэ онд 21 аймаг, нийслэлийн есөн дүүргийн ерөнхий боловсролын сургуулийн 500 багшид хиймэл оюуны мэдлэг, чадвар эзэмшүүлж, үүнийгээ сурагчдад түгээхэд нь анхаарч ажиллах юм байна.
2026-01-24
Хүйтний стрессээс урьдчилан сэргийлье
Өвлийн улиралд ялангуяа хөдөө гадаа ажилладаг хүмүүс хүйтний стресст хамгийн их өртдөгийг Хөдөлмөрийн аюулгүй байдал, эрүүл мэндийн төв (ХАБЭМТ)-өөс анхаарууллаа. Тодруулбал, мал аж ахуй, уул уурхай, барилга, зам засвар, аврах ажиллагаа, гудамжны худалдаа, тохижилт үйлчилгээний зэрэг салбарын ажил чид хүйтний стресст түлхүү өртөж, амь нас, эрүүл мэндээрээ хохирох нь элбэг гэв.
2026-01-24
ШҮҮХ: Ц.Дагвадоржид бүх НАСААР НЬ ХОРИХ ЯЛ оноолоо
16, 32 настай хоёр хүнийг хэрцгийгээр хөнөөсөн гэмт хэрэг гараад хоёр жил өнгөрч байна. Хэрэг үйлдсэн, хамтран оролцсон байж болзошгүй этгээдүүдийн гэм буруугийн шүүх хурал өчигдөр Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхэд болж, өнөөдөр /2026.01.23/ шийдвэрээ танилцууллаа.
2026-01-23
Улаанбаатарын өвлийн наадмыг 14 дэх жилдээ зохион байгуулна
Нийслэлийн Аялал жуулчлалын газар, “Скай резорт” компанийнхан хамтран “Улаанбаатарын өвлийн наадам-2026” арга хэмжээг 14 дэх жилдээ зохион байгуулахаар төлөвлөжээ. “Скай резорт” цанын баазад энэ сарын 31-нээс ирэх сарын 1-нд зохион байгуулах эл наадам нь өвлийн аялал жуулчлалыг дэмжих, хүйтний улиралд Монголыг зорих гадаадын жуулчид, зочдын тоог нэмэгдүүлэх, иргэдийн амралт, чөлөөт цагийг зөв боловсон өнгөрүүлэхэд чиглэдгээрээ онцлогтой. Мөн үндэсний ёс заншил, дахин давтагдашгүй өв соёлыг сурталчлахын зэрэгцээ цас, мөсний экстрим спорт, аяллыг хөгжүүлэхэд чухал ач холбогдолтой гэнэ.
2026-01-23
2600 гаруй нэр, төрлийн эмийн үнийг em.hdc.gov.mn-д байршуулаад байна
Хэрэглэгчдэд эмийн чанар, аюулгүй байдлаас гадна үнэ тогтвортой, ил тод байх нь чухал билээ. Эм, эмнэлгийн хэрэгслийн тухай хуулийн шинэчилсэн найруулга болон иргэдийн энэхүү хэрэгцээ, шаардлагад үндэслэн үнийн тогтвортой байдлыг хангах үүднээс em.hdc.gov. mn цахим системийг өнгөрсөн оны сүүлчээр нэвтрүүлсэн юм. ЭМЯ, Эм, эмнэлгийн хэрэгслийн хяналт, зохицуулалтын газрынхны хамтран хөгжүүлж буй уг системд одоогоор 2600 гаруй нэр, төрлийн эмийн үнийн мэдээллийг ил тод байршуулаад байгааг мэдээллээ.
2026-01-23
Хавар болох нь
Ирэх улирлын буюу хаврын цаг агаарын ерөнхий төлөвийг цаг уурын байгууллагаас гаргажээ. Агаарын температур ирэх хоёрдугаар сард ихэнх нутгаар олон жилийн дунджаас хүйтэн, гуравдугаар сард нутгийн баруун хэсгээр дулаан, зүүн хойд хэсэгт хүйтэн, бусад нутгаар дунджийн орчим байх төлөвтэй. Хаврын тэнгэр халтай гэдэг шиг энэ хавар ч мөн цаг агаарын огцом дулаарал, хүйтрэл үе үе ажиглагдах гэнэ. Иймд малчид, ард иргэд мал бэлчээх хугацаагаа тохируулах, өвс, тэжээлийн нөөцөө хангах, мал төллүүлэх хашаа хороогоо эртнээс бэлтгэж, цаг агаарын мэдээгээ цаг тухай бүрд авч ашиглахыг анхаарууллаа.
2026-01-23
ТОП-20 индексийн шинэчилсэн сагсанд “Улсын их дэлгүүр”, “Эм жи эл акуа” ХК багтлаа
Монголын хөрөнгийн бирж Үнэт цаасны үнийн индекс тооцох журмын дагуу оны эхэнд ТОП-20 индексийн сагсаа шинэчилж танилцуудаг. Энэ оны өөрчлөлтөөр өмнөх сагсанд багтаж байсан 18 компани хэвээр үлдэж, “Ард кредит ББСБ”, “Монгол шуудан” хасагдаж, шинээр “Улсын их дэлгүүр”, “Эм жи эл акуа” ХК нэмэгдэн орж ирсэн байна. Тус индексийн багцыг бүрдүүлэхдээ хөрөнгийн биржид бүртгэлтэй бүх компанийг зах зээлийн үнэлгээ, арилжааны өдрийн дундаж гүйлгээ гэсэн хоёр үзүүлэлтээр хамгийн өндөр гүйцэтгэлтэй гарсныг нь сонгодог.
2026-01-23
