“Шинэсаран” түр хамгаалах байрыг ашиглалтад орууллаа
Цагдаагийн ерөнхий газрын харьяа түр хамгаалах байрыг уржигдар ашиглалтад орууллаа. Гэр бүлийн хүчирхийлэлд өртсөн иргэдэд зориулсан тус байрыг олон улсын жишигт нийцүүлэн барьсан бөгөөд нийт 63 өрөөтэй, нэг дор 40 хүнийг нас, хүйс, харьяалал хамаарахгүй хүлээн авах боломжтой гэнэ. Өөрөөр хэлбэл, нялх, бага насны хүүхдэд зориулсан ор, тоглоом, хичээлийн ширээ, сандал самбар зэргийг байршуулжээ.
2026-03-12
Насанд хүрээгүй хүүхэд нийгмийн сүлжээ ашиглахыг хориглоно
Засгийн газрын өчигдрийн ээлжит хуралдаанаар олон нийтийн сүлжээг 16 нас хүрээгүй хүүхэд ашиглах, тэдний цахим хаягийг бүртгэхийг хуулиар хязгаарлах тухай байв. Дэлхийн цөөнгүй улс насанд хүрээгүй хүүхдийг нийгмийн сүлжээний зарим платформ ашиглахыг хориглож, үүнийгээ ч албан ёсоор хуульчлаад буй. Харин манайх сүүлийн жил гаруйн хугацаанд ингэж ярьсан ч хараахан ажил хэрэг болгоогүй л байна.
2026-03-12
ХАВИ: Месси яагаад “Барса”-д буцаж ирээгүй вэ
“Барселона” багийн домогт тоглогч- дын нэг төдийгүй тус багийг дасгалжуулж байсан Хави саяхан Испанийн “La Vanguardia” сонинд ярилцлага өгчээ. Тэрбээр “Барса”-гийн ерөнхийлөгч Х.Лапортагийн гол өрсөлдөгч В.Фонтаг 2020 оноос хойш дэмжиж буй юм. Сонирхуулахад, тус багийн ерөнхийлөгчийн сонгууль тун удахгүй болно. Уг ярилцлагын зарим сонирхолтой хэсгээс хүргэе.
2026-03-11
Дорнод, Хөвсгөлд хоёр хүүхэд улаан бурхны улмаас эндэв
Манай улсад улаан бурхан өвчний зөөвөрлөгдсөн тохиолдол 2024 оны долоодугаар сард анх бүртгэгдсэн. Казахстанаас Улаанбаатарт ирсэн 47 настай эрэгтэй уг халдвараар өвчилснөөс хойш өчигдрийн байдлаар нийт 14 326 тохиолдол бүртгэгдээд байна. Уг халдварын улмаас энэ сарын 4-ний байдлаар 13 хүүхэд эндсэн гэсэн мэдээллийг ХӨСҮТ-өөс өгсөн юм.
2026-03-11
ХӨСҮТ: Улаанбурхан өвчнөөр 26 хүн эмнэлэгт хэвтэн эмчлүүлж байна
Улаанбурхан өвчний батлагдсан тохиолдол улсын хэмжээнд 14.331 хүрээд байгаа бөгөөд нийслэлд 11650, орон нутагт 2676 бүртгэгдсэн байна. Халдварт өвчин судлалын үндэсний төвөөс гаргасан 2026 оны гуравдугаар сарын 11-ний мэдээллээр Улаанбурхан өвчний батлагдсан тохиолдол 5 нэмэгджээ. Одоогийн байдлаар эмнэлэгт 26 хүн хэвтэн эмчлүүлж байгаа.
2026-03-11
“Ойн аж ахуйн техникч” хөтөлбөр хэрэгжүүлж эхлэв
Хөвсгөл аймгийн Мөрөн сум дахь Политехник коллежийнхон “Хөдөө аж ахуйн менежмент, экосистемийн тогтвортой байдлыг хангах нь” төслийн дэмжлэгтэйгээр “Ойн аж ахуйн техникч” хөтөлбөр хэрэгжүүлж эхэллээ. Үүний хүрээнд хөтөлбөрийн хэрэгцээ, стандарт, дадлага сургалтын шаардлагад нийцсэн танхим байгуулж, суралцагчдад практик мэдлэг, ур чадвар эзэмших таатай орчин бүрдүүлжээ.
2026-03-11
“Нээлттэй парламент” цогц үйл ажиллагааны оюутан дадлагажуулах хөтөлбөрийн нээлт боллоо
Улсын Их Хурлын гишүүнийг дагалдан ажиллаж, байнгын хороо, ажлын хэсгүүдийн үйл ажиллагаатай танилцан, “Загвар парламент” үйл ажиллагаанд оролцож, хуулийн төсөл боловсруулах, хэлэлцэх, батлах үйл ажиллагааг бодитоор мэдрэх боломжийг оюутнуудад олгодгоороо ач холбогдолтойг “Нээлттэй парламент-2026” оюутан дадлагажуулах хөтөлбөрийг нээж хэлсэн үгэндээ Улсын Их Хурлын дарга Н.Учрал онцолсон юм.
2026-03-11
Шигшээ багийнхан “Универсиад-2026” наадмын цанын төрөлд түрүүллээ
Оюутны универсиад наадмын хөтөлбөрт цанын спорт 2005, 2009, 2013, 2017 онд орсон ч сүүлчийн хоёр наадамд багтаагүй. Тэгвэл БНХАУ-ын Чанчунь хотод ирэх оны нэгдүгээр сарын 15-25-нд зохион байгуулах Дэлхийн оюутны универсиад наадмын хөтөлбөрт оруулжээ. Монголын оюутны спортын “Универсиад-2026” наадам энэ жил 14 төрлөөр явагдана.
2026-03-11
Шатарчид өндөр зэрэглэлийн тэмцээнд өрсөлдөнө
Өмнөд хөршид ирэх сарын 7-нд Шанхайн хамтын ажиллагааны байгууллагын багийн аварга шалгаруулах өндөр зэрэглэлийн олон улсын тэмцээн эхэлнэ. Шанхайд тав хоног үргэлжлэх тус тэмцээнд улсаа төлөөлөн оролцох шатрын багийг бүрдүүлэх зорилгоор тамирчдын сонгон шалгаруулалтыг Монголын шатрын холбоо болон “ABChess” шатрын академи хамтран зохион байгууллаа. Эрэгтэйчүүдийн ангилалд 2000-аас дээш онооны чансаатай 14, эмэгтэйчүүдийнхэд 1800-аас дээш чансаатай 12 шилдэг тамирчин оролцов.
2026-03-11
Чингэлтэй дүүргийн Эрүүл мэндийн төвийн хэсэгчилсэн их засварын ажил дуусжээ
Эмнэлгийн байгууллагын эмчилгээ үйлчилгээний чанар, хүртээмжийг сайжруулах, эмчлүүлэгчдэд тав тухтай орчин бүрдүүлэх зорилгоор Чингэлтэй дүүргийн Эрүүл мэндийн төвийн хоёрдугаар давхрын 432 ам метр талбайд хэсэгчилсэн их засвар хийлээ. Тодруулбал, өрөөнүүдийн хаалга, шал, хана, тааз, давхар дундын шатыг шинэчилж, ариун цэврийн өрөөнүүдэд шинэ тоноглол суурилуулан, дотор гэрэлтүүлэг болон бусад шаардлагатай засварын ажлуудыг хийсэн юм.
2026-03-11
Улсын хэмжээнд 5005 айл өрх шар усны үерт өртөх өндөр эрсдэлтэй байна
Шар усны үерийн аюулаас урьдчилан сэргийлэх бэлтгэл ажлын хүрээнд Онцгой байдлын ерөнхий газраас улсын хэмжээнд эрсдэлийн үнэлгээг шинэчлэн гаргажээ. Уг үнэлгээгээр орон нутгийн 10 аймгийн 3789, нийслэлийн долоон дүүргийн 1216 буюу улсын хэмжээнд нийт 5005 айл өрх шар усны үерт өртөх өндөр эрсдэлтэй байгааг анхаарууллаа. Цаг уурын байгууллагын мэдээлснээр энэ сард агаарын температур огцом дулаарч, Баян-Өлгий, Ховд, Увс, Говь-Алтай аймгийн баруун хэсгээр олон жилийн дунджаас дулаан байх төлөвтэй.
2026-03-11
Төрөлтийн оргил нас 30-34 болж хойшилжээ
Гэр бүл, хөдөлмөр, нийгмийн хамгааллын яамнаас улсын хөгжлийн бодлого, төлөвлөлтийн суурь мэдээлэл болохуйц гурван том бүлэг судалгааны дүнг танилцуулаад буй. Үүний нэг нь “Монгол Улсын төрөлтийн шинжилгээ, бодлого” бөгөөд уг судалгааны дүнгээр залуу чуудын хүүхэдтэй болох хүсэл бүрмөсөн алга болоогүй, харин орон сууц, тогтворгүй орлого, асаргааны ачаалал, ажил, амьдралын тэнцвэрийн асуудлаас шалтгаалан бүл нэмэх хугацаагаа хойшлуулж байгаа аж.
2026-03-11
Нийслэлээс энэ онд таван байршилд авто замыг засаж шинэчилнэ
Нийслэлээс 2026 онд 52 км авто замыг шинээр барьж, таван байршилд авто замын засвар шинэчлэлтийг хийнэ. Авто замын засвар шинэчлэлтийг дөрөвдүгээр сарын 1-нээс эхэлнэ. Нийслэлийн хэмжээнд 2024 оны есдүгээр сараас 2025 оны есдүгээр сар хүртэл нэг жилийн хугацаанд 86 байршилд 233 км авто замыг шинэчилж байв. Тэгвэл энэ онд засвар шинэчлэлт хийх авто замын талаар мэдээлэл хүргэж байна.
2026-03-11
