“Гоожингийн өндөр”-ийг энэ онд сэргээн засварлана
Баянзүрх дүүргийн зургаадугаар хорооны нутагт байрлах “Гоожингийн өндөр” хэмээх түүхэн барилгыг нийслэлийн төсвийн 1.3 тэрбум төгрөгөөр энэ онд сэргээн засварлахаар болжээ. “Гоожингийн өндөр” нь Нийслэл хүрээнд Дорнод Сибирийн уламжлалт загвараар ХХ зууны эхэн үед барьсан цөөн тооны хоёр давхар модон барилгын нэг төдийгүй Монголын архитектурын ховор дурсгал юм. Тус барилгыг Богд хаант Монгол Улсын Ерөнхий сайд, Сайн ноён хан Т.Намнансүрэн Орос улсад айлчилж ирснийхээ дараа тухайн үеийн Богдын “Өндгийн сүргийн нутаг” буюу өнөөгийн Төв цэнгэлдэх хүрээлэнгийн зүүн хэсэгт шавыг нь тавьж бариулсан түүхтэй.
2026-01-09
“Тавантолгой түлш” шуудайгаа 24 тэрбум төгрөгөөр худалдаж авна гэв үү
“Тавантолгой түлш” ХХК-ийнхан оны өмнөхөн буюу 2025 оны арванхоёрдугаар сарын 24- нд түлш савлах 25 кг-ын шуудай худалдан авах нээлттэй тендер зарлажээ. Нийт төсөвт өртөг нь 24 тэрбум төгрөг гээд бод доо. Үүнээс энэ онд санхүүжүүлэх дүн нь 19.9 тэрбум төгрөг. Сонгон шалгаруулалтад оролцох аж ахуйн нэгж, байгууллагын материалыг төрийн худалдан авах ажиллагааны цахим систем tender.gov.mnээр энэ сарын 20 хүртэл хүлээн авах аж.
2026-01-09
Э.Халиунболд “Дакар ралли” уралдааны шилдэг тавд багтав
Саудын Араб улсад үргэлжилж буй “Дакар ралли-2026”-д Монголоос хоёр тамирчин мотоциклын төрөлд хурд сорьж байна. Гурав дахь өдрийн уралдаанд Тал нутгаас Дакарт” төслийн тамирчин Э.Халиунболд (дөрвөн цаг 56 минут 33 секунд) нийлбэр дүнгээр 15, “Ралли-2” ангилалдаа IV байр эзэлжээ. Энэ нь тус уралдаанд оролцсон манай улсын тамирчдын түүхэн дэх хамгийн өндөр амжилт болж бүртгэгдэв. Тэмцээний албан ёсны мэдээлэлд “BAS world KTM” багийн тамирчин Э.Халиунболд нь “Дакар ралли-2024” тэмцээний 12 дахь өдрийн уралдаанаас хойш топ тавд багтсан Ази тамирчин боллоо.
2026-01-08
Нийслэл 77 тэрбумаар 2000 цахилгаан машин худалдан авах төслийг хэрэгжүүлэхээр болжээ
Улаанбаатар хотын хүн амын өсөлт, замын хөдөлгөөний түгжрэл, хууль бус такси үйлчилгээний эрсдэл, аялал жуулчлалын эрэлт зэргээс үүдэн, хэрэглэгч төвтэй, аюулгүй, ухаалаг технологид суурилсан, байгаль орчинд ээлтэй, тогтвортой такси үйлчилгээний системийг бүрдүүлэх зорилготой төсөл хэрэгжүүлэхээ НИТХ-ын ээлжит бус IX хуралдаж, төлөөлөгчдийн олонхын саналаар буюу 61.5 хувиар дэмжигдсэн байна.
2026-01-08
Асадын тавилан аятоллад нүүрлэх үү
Хүний эрхийг хамгаалах байгууллагууд, хэвлэл, мэдээллийн хэрэгслүүдийн уламжилж буйгаас үзвэл өнгөрсөн ням гарагт Иранд эсэргүүцэн тэмцэгчид, аюулаас хамгаалах хүчний хооронд дахин мөргөлдөөн болсон байна. Амжиргааны өртөг нэмэгдэж, мөнгөний ханш унаж буйгаас үүдэлтэй жагсаал тэмцэл тус улсад эхлээд хоёр долоо хонож буй юм. “Al Jazeera”-гийн дамжуулсан албан ёсны мэдээгээр 2025 оны XII сарын 28-нд тэмцэл эхэлснээс хойш Иранд наад зах нь 12 хүний амь хохирчээ. Нийслэл Тегеранд ажилладаг дэлгүүрийн эзэд бослого гаргаснаас уг тэмцэл эхэлсэн байна.
2026-01-08
Хачигт энцефалит өвчин үүсгэгчийн байгалийн шинэ голомт илрүүллээ
Нийслэлийн Зоонозын өвчин судлалын төвийнхөн 2024-2025 онд календарчилсан төлөвлөгөөний дагуу байгалийн голомтот болон зоонозын халдварт өвчний тандалт, судалгаа хийж гүйцэтгэсэн талаараа мэдээлэв. Тухайлбал, өнгөрсөн жил хачигт халдварын тандалт, судалгааг Төв аймгийн Батсүмбэр сум, нийслэлийн Сонгинохайрхан дүүргийн нутаг дэвсгэрт хийжээ. Энэ үеэр Сонгинохайрханы бүс нутгаас хачигт энцефалит өвчин үүсгэгч Ixodes persulcatus төрлийн хачгийн байгалийн голомтыг шинээр илрүүлсэн байна. Ингэснээр хачигт халдвар дэгдэхээс өмнө урьдчилан сэргийлэх арга хэмжээ авч хэрэгжүүлэх боломж бүрдсэн гэнэ.
2026-01-08
Халамж, тэтгэвэр, тэтгэмжийн нэмэгдэлд 760 орчим тэрбум төгрөг зарцуулна
Энэ сараас эхлэн 537 000 ахмад настны тэтгэврийг нэмж, бусад халамж, тэтгэмжийн хэмжээг тодорхой хувиар өсгөсөн дүнгээр олгохоор болсон. Үүнд нэг жилд 760 орчим тэрбум төгрөг зарцуулахаар тооцсон билээ. Тэгвэл уг хөрөнгийн дийлэнхийг уул уурхайн салбарын орлого, үүний дотор зэсийн баяжмал, нүүрс, алт, төмрийн хүдрийн экспортоос бүрдүүлэхийг АҮЭБЯ-наас мэдээлжээ.
2026-01-08
“Жолооны үнэмлэх гаргана“ гэж иргэдийг залилжээ
Цахим орчинд "Жолоочийн үнэмлэх гаргана", "Ангилал ахиулна", "Эрх сэргээнэ" гэх зэргээр худал зар мэдээллийг байршуулж, иргэдийн хүсэл сонирхол дээр тулгуурлан залилах гэмт хэргийг үйлдэж байна.
2026-01-08
“Арилжааны банкнууд төрөөс давсан эрх мэдэлтэй боллоо”
Ахмад настнууд арилжааны банкнуудын шударга бус шийдвэрийг эсэргүүцэж өчигдөр мэдээлэл хийлээ. Тэдний төлөөлөл энэ үеэр “Бид тэтгэврийн доод хэмжээг 1.5 сая төгрөгт хүргэн, зээлийн хугацааг 36 сар болгож, хүүгээс хүү боддог байдлыг өөрчлөх шаардлагыг төрийн өндөр албан тушаалтнуудад удаа дараа хүргүүлсэн ч шийдэж өгсөнгүй. Арилжааны банкнууд өнөөдөр төрөөс давсан эрх мэдэлтэй боллоо.
2026-01-08
Нөмрөг тасын нүүдлийн судалгааг хийж байна
Олон улсын байгаль хамгаалах холбооны “Улаан данс”-ны ховордож болзошгүй ангилалд багтаад буй нөмрөг тасын нүүдлийн судалгааг “Монголын шувуу хамгаалах төв”-ийнхөн хийж байна. Нийгэмд үйлчлэх статустай тус төрийн бус байгууллага нь гадаадынхантай хамтран шувуу судлалын салбарт болон энэ чиглэлээр боловсон хүчин бэлтгэхэд хувь нэмрээ оруулсаар байгаа билээ.
2026-01-08
Орон нутгийн автобусанд дахин нэг ээж амаржив
Улаангом-Улаанбаатар чиглэлийн хот хоорондын зорчигч тээврийн автобусанд зорчиж явсан 29 настай эмэгтэй уржигдар шөнө 01.11 цагт амаржиж, 3.2 кг жинтэй охинтой болжээ. Тодруулбал, “Түмэнд нээлттэй хязгаарынхан” компанийн 83-48 УВС дугаартай Улаангом-Улаанбаатар чиглэлийн автобусанд зорчиж явсан эмэгтэйг жолооч болон зорчигчид хамтран эх барьж авсан аж. Үүний дараа эх, хүүхдийг Завхан аймгийн Их-Уул сумын эмнэлэгт шуурхай хүргэж, мэргэжлийн эмч нарын хяналтад шилжүүлсэн байна. Одоогоор тэдний биеийн байдал сайн байгаа бөгөөд Авто тээврийн үндэсний төвөөс эсэн мэнд амаржсан эх, охин хоёрыг 18 нас хүртэл нь хүссэн үедээ орон нутгийн бүх чиглэлд үнэ төлбөргүй зорчих эрх бэлэглэжээ.
2026-01-08
Нийслэлийн хэмжээнд 4729 га талбайд 20218 нэгж талбарт газар чөлөөлнө
Нийслэлийн удирдах ажилтнуудын 2026 оны анхны шуурхай зөвлөгөөн өнөөдөр боллоо. Энэ үеэр 2026 онд хэрэгжүүлэх хөрөнгө оруулалт, бүтээн байгуулалтын ажлын газар чөлөөлөлтийн бэлтгэл ажлын талаар танилцууллаа. Энэ онд газар чөлөөлөх 408 төсөл, арга хэмжээг баталж, нийт 4729 га талбай буюу 20218 нэгж талбарт газар чөлөөлнө. Дэд төвүүд, авто зам, нийгмийн дэд бүтцийн барилга байгууламжийн ажлуудад газар чөлөөлөлт үргэлжлэх юм.
2026-01-08
